الماتىدا كولىك جانە لوگيستيكا سالاسىنداعى قۇزىرەتتىلىك ورتالىعى مەن مۇراجاي اشىلدى، دەپ حابارلايدى aqshamnews.kz
الماتى كولىك جانە كوممۋنيكاسيالار كوللەدجىندە «كولىك، كوممۋنيكاسيالار جانە لوگيستيكا» وڭىرلىك قۇزىرەتتىلىكتەر ورتالىعى مەن كوللەدج مۇراجايىنىڭ سالتاناتتى اشىلۋى ءوتتى. ءىس-شارا ءبىلىم ورداسىنىڭ 95 جىلدىعىنا وراي ۇيىمداستىرىلدى. عاسىرعا جۋىق تاريحى بار كوللەدج وسى ۋاقىت ىشىندە ەلىمىزدىڭ تەمىرجول سالاسىنا كاسىبي ماماندار دايارلايتىن باستى وقۋ ورىندارىنىڭ بىرىنە اينالدى.
جاڭا ورتالىقتىڭ ماقساتى – كولىك، لوگيستيكا جانە كوممۋنيكاسيا سالالارى بويىنشا ەڭبەك نارىعى تالاپ ەتەتىن زاماناۋي داعدىلاردى مەڭگەرگەن بىلىكتى مامانداردى دايارلاۋ. ورتالىق ەڭ وزىق جابدىقتارمەن، سيمۋلياتورلارمەن جانە سيفرلىق تەحنولوگيالارمەن قامتاماسىز ەتىلگەن. بۇل ستۋدەنتتەرگە كاسىبي ماشىقتارىن شىڭداۋعا، ال ماماندارعا قايتا دايارلاۋدان وتۋگە مۇمكىندىك بەرەدى.
اشىلۋ سالتاناتىنا الماتى قالاسى ءبىلىم باسقارماسىنىڭ وكىلدەرى، الەۋمەتتىك سەرىكتەستەر، وزگە كوللەدج ديرەكتورلارى، تۇلەكتەر مەن ستۋدەنتتەر قاتىستى.
سول كۇنى كوللەدجدىڭ جاڭا مۇراجايى دا جۇرتشىلىققا تانىستىرىلدى. مۇندا وقۋ ورنىنىڭ تاريحىنان سىر شەرتەتىن بىرەگەي ەكسپوناتتار، مۇراعات ماتەريالدارى مەن ءار ءداۋىردىڭ وقىتۋشىلارى مەن تۇلەكتەرىنىڭ ەستەلىكتەرى جيناقتالعان. مۇراجاي – كوللەدجدىڭ وتكەنى مەن بۇگىنىن جالعايتىن، كاسىبي ءبىلىم بەرۋ جۇيەسىنىڭ ۇزدىك داستۇرلەرىن ناسيحاتتايتىن ەرەكشە ورىن.
– وڭىرلىك قۇزىرەتتىلىك ورتالىعى مەن مۇراجايدىڭ اشىلۋى – بۇل تەك وتكەنگە تاعزىم عانا ەمەس، بولاشاققا سالىنعان ينۆەستيسيا. ءبىز بۇل ورتالىقتىڭ ستۋدەنتتەر عانا ەمەس، تۇتاس ءوڭىر ءۇشىن دامۋدىڭ جاڭا سەرپىنى بولارىنا سەنىمدىمىز، – دەدى كوللەدج ديرەكتورى ەربول ماعازوۆ.
كوللەدج ۇجىمى بارلىق سەرىكتەستەر مەن قوناقتارعا مەرەيتويلىق شاراعا قاتىسقانى جانە كاسىبي ءبىلىم بەرۋدىڭ جاڭا كوكجيەكتەرىن بىرگە اشقانى ءۇشىن العىسىن ءبىلدىردى.