بيىل تاعىلىمداما باعدارلاماسىنا 110 ستيپەنديا ءبولىندى.
وتىنىمدەر 14 قازانعا دەيىن Egov.kz مەملەكەتتىك قىزمەتتەر پورتالىندا قابىلدانادى، دەپ حابارلايدى Almaty-akshamy.kz
2022 جىلعى 5 قىركۇيەكتە قازاقستاندا «بولاشاق» باعدارلاماسى بويىنشا جەتەكشى جوو-لار مەن ۇيىمداردا شەتەلدىك تاعىلىمدامادان وتۋگە قۇجاتتار قابىلداۋ باستالادى.
بيىل تاعىلىمداما باعدارلاماسىنا 110 ستيپەنديا ءبولىندى.
2022 جىلى تاعىلىمدامادان وتۋگە قىزمەتكەرلەردىڭ كەلەسى ساناتتارى بەكىتىلگەن: ينجەنەرلىك-تەحنيكالىق قىزمەتكەرلەر، مەديسينالىق قىزمەتكەرلەر، مادەنيەت، تۋريزم جانە سپورت سالاسىنىڭ قىزمەتكەرلەرى، بۇقارالىق اقپارات قۇرالدارى قىزمەتكەرلەرى، اگروونەركاسىپتىك كەشەن قىزمەتكەرلەرى، مەملەكەتتىك قىزمەتكەرلەر، ورتا، تەحنيكالىق جانە كاسىپتىك ءبىلىم بەرۋ ۇيىمدارىنىڭ پەداگوگتەرى.
«بولاشاق» باعدارلاماسى بويىنشا تاعىلىمدامادان وتۋگە ارنالعان باسىم ماماندىقتاردىڭ ءتىزىمى 158 ماماندىقتى كوزدەيدى.
ايتا كەتەيىك، تاعىلىمدامادان وتەتىن ستيپەندياتتار كەپىلگە مۇلىك ۇسىنبايدى. مىندەتتەمەلەردى ورىنداۋ ءۇشىن ەكى گارانت ۇسىنۋ عانا جەتكىلىكتى.
گارانت رەتىندە سوڭعى 12 ايدا تۇراقتى تابىسى بار 50 جاسقا دەيىنگى ق ر ازاماتتارى بولا الادى.
تاعىلىمدامادان وتۋگە ۇمىتكەرلەردىڭ كەمىندە 3 جىل جۇمىس ءوتىلى بولۋى ءتيىس، سونىڭ ىشىندە سوڭعى 12 اي بويى تاڭداعان ماماندىق بويىنشا جۇمىس ىستەۋى ءتيىس. سونىمەن قاتار تاعىلىمداماعا قابىلدايتىن شەتەلدىك ۇيىمنان شاقىرۋ، دەڭگەيى كەمىندە ۆ1 قازتەست سەرتيفيكاتىنىڭ بولۋى مىندەتتى.
«عالىمدار» ساناتى بويىنشا تاعىلىمدامادان ءوتۋ ءۇشىن وتىنىمدەردى قابىلداۋ مەن كونكۋرستىق ىرىكتەۋ بولەك جۇرگىزىلەدى، ءوتۋ مەرزىمدەرى تۋرالى قوسىمشا حابارلاناتىن بولادى.