اكادەميا «قۇقىق قورعاۋ قىزمەتى»؛ «كيبەرقاۋىپسىزدىكتى قامتاماسىز ەتۋ»، «ءىىب قىزمەتىن كريميناليستيكالىق قامتاماسىز ەتۋ»، «اقپاراتتىق جۇيەلەر» باعىتتارى بويىنشا ماماندار دايارلايدى.
الماتىلىق جاستاردى بولاشاق زاڭ قورعاۋشىلار قاتارىنا قوسىلۋعا شاقىرادى، دەپ حابارلايدى Almaty-akshamy.kz
وكق الاڭىندا ق ر ءىىم الماتى اكادەمياسى باسشىسىنىڭ ورىنباسارى ەرجان بيمولدانوۆتىڭ قاتىسۋىمەن بريفينگ ءوتتى، ول وقۋعا ءتۇسۋ كەزىندەگى نەگىزگى تالاپتار تۋرالى ايتىپ بەردى.
«ءبىزدىڭ وقۋ ورنىمىز بىرنەشە باعىتتار بويىنشا مامانداردى دايارلاۋعا ماماندانعان: جەدەل-ىزدەستىرۋ قىزمەتىن جۇزەگە اسىراتىن، كيبەرقاۋىپسىزدىكتى قامتاماسىز ەتەتىن بولىمشەلەر ءۇشىن، ءىىب قىزمەتىن IT-كريميناليستيكالىق قامتاماسىز ەتۋ، سونداي-اق، تەحنيكالىق باعىت - اقپاراتتىق جۇيەلەر باعىتتارى بويىنشا ماماندار دايارلايدى» - دەدى ە.بيمولدانوۆ.
ودان ارى سپيكەر اكادەميادا وقۋدىڭ نەگىزگى ارتىقشىلىقتارىن اتاپ ءوتتى:
- مەملەكەتتىك تاپسىرىس نەگىزىندە وقۋعا قابىلداۋ جانە وقىتۋ. جايلى جاتاقحانادا تۇرۋ، زاماناۋي تەحنيكامەن جابدىقتالعان زاماناۋي اۋديتوريالاردا وقۋ، ستيپەنديا الۋ، تاماقپەن، زاتتاي قامتاماسىز ەتۋ، مەديسينالىق قىزمەت كورسەتۋ، تەگىن سپورت سەكسيالارى (ترەناجەر جانە كۇرەس زالدارى، سونداي-اق وليمپيادالىق ستاندارتتارعا سايكەس كەلەتىن بوكس رينگى)، تۇرعىلىقتى جەرىنە تەگىن جول ءجۇرۋ (پويىزبەن) جانە كەرى قايتۋ؛
- كۇندىزگى وقۋ نىسانى بويىنشا وقۋ مەرزىمى مەرزىمدى اسكەري قىزمەت وتكەرۋگە تەڭەستىرىلەدى؛
- تولىق وقۋ كۋرسىن بىتىرگەن ءاربىر تۇلەك 100% جۇمىسقا ورنالاسادى؛
- وقۋدى اياقتاعاننان كەيىن تۇلەكتەرگە «ۇلتتىق قاۋىپسىزدىك جانە اسكەري ءىس باكالاۆرى» جانە «اقپاراتتىق-كوممۋنيكاسيالىق تەحنولوگيالار سالاسىنداعى باكالاۆر» بىلىكتىلىگى بەرىلگەن مەملەكەتتىك ۇلگىدەگى ديپلوم بەرىلەدى، سونداي-اق «پوليسيا لەيتەنانتى» ارنايى اتاعى بەرىلەدى.
باكالاۆريات باعدارلامالارى بويىنشا الماتى اكادەمياسىنا وقۋعا ورتا ءبىلىمى بار، ون التى جاسقا تولعان قازاقستان رەسپۋبليكاسىنىڭ ازاماتتارى قابىلدانادى. ول ءۇشىن:
- اقپان-مامىر ايلارى ارالىعىندا تۇرعىلىقتى جەرى بويىنشا پوليسيا بولىمىنە حابارلاسىڭىز نەمەسە الماتى اكادەمياسىنىڭ https://apa.gov.kz / سايتىنا كىرىپ، تىكەلەي تەرۋ سىلتەمەسى بويىنشا ءتيىستى قۇجاتتاردى راسىمدەۋ قاجەت.
- وقۋعا تۇسەتىن جىلدىڭ 28 ساۋىرىنەن 14 مامىرىنا دەيىن ۇلتتىق ءبىرىڭعاي تەستىلەۋدى (ۇبت) تاپسىرۋ ءۇشىن ءوتىنىش بەرۋ. ۇبت 16 مامىر مەن 05 شىلدە ارالىعىندا وتەدى.
بۇدان باسقا، «قۇقىق قورعاۋ قىزمەتى»، «كيبەرقاۋىپسىزدىكتى قامتاماسىز ەتۋ»، «ءىىب قىزمەتىن IT-كريميناليستيكالىق قامتاماسىز ەتۋ» ءبىلىم بەرۋ باعدارلاماسى بويىنشا وقۋعا تۇسۋشىلەر ءۇشىن كەز كەلگەن ۆارياسيادا (شىعارماشىلىق ەمتيحاننان باسقا) ەكى بەيىندىك ءپاندى تاڭداۋعا بولادى.
«اقپاراتتىق جۇيەلەر» ءبىلىم بەرۋ باعدارلامالارى بويىنشا وقۋعا تۇسۋشىلەر ءۇشىن ەكى بەيىندىك ءپان تاڭدالۋى ءتيىس: «ماتەماتيكا» جانە «فيزيكا».
كونكۋرسقا قاتىسۋ ءۇشىن كەمىندە 50 ۇپاي، ونىڭ ىشىندە ءاربىر ءپان بويىنشا كەمىندە 3 ۇپاي جيناۋ قاجەت.
«ۇبت، مەديسينالىق كۋالاندىرۋدان ءساتتى وتكەن ادامدار مەديسينالىق جانە فيزيكالىق كورسەتكىشتەردىڭ ناتيجەلەرىن ەسكەرە وتىرىپ، ۇبت ۇپايىنا سايكەس كونكۋرسقا قاتىسۋ ءۇشىن ءىىم الماتى اكادەمياسىنا شاقىرىلادى. قازاقستان رەسپۋبليكاسى ۇلتتىق ۇلانىنىڭ قاتارىندا مەرزىمدى اسكەري قىزمەت وتكەرگەن، كانديداتتار ءۇشىن بەلگىلەنگەن تالاپتار بويىنشا شەكتى بالل دەڭگەيىن جيناعان، ۇبت ناتيجەلەرى بويىنشا 100 جانە ودان جوعارى بالل جيناعان ادامدار، سپورت شەبەرلەرى، ورىنداۋ كەزىندە قازا تاپقان پوليسيا قىزمەتكەرلەرىنىڭ بالالارى كونكۋرستان تىس قابىلدانادى»، - دەپ تولىقتىردى ە.بيمولدانوۆ.
وقۋعا ءتۇسۋ تۋرالى تولىق اقپاراتتى ءىىم الماتى اكادەمياسىنىڭ سايتىنان نەمەسە +7-705-755-25-77 (WhatsApp)، +7-775-930-55-88 (WhatsApp) تەلەفوندارى ارقىلى بىلۋگە بولادى.