الماتىنىڭ كوممۋنالدىق قىزمەتتەرى قار تازالاۋ ءۇشىن 400 دەن استام تەحنيكا بىرلىگى مەن مىڭداعان جۇمىسشىلاردى جۇمىلدىردى، دەپ حابارلايدى almaty-akshamy.kz كوممۋنالدىق ينفراقۇرىلىمدى دامىتۋ باسقارماسىنا سىلتەمە جاساپ.
14-15 قاڭتاردا الماتى قالاسىندا بيىكتىگى 4،5 مم جاڭبىر مەن ءسىلبى قار تۇرىندە جەڭىل جاۋىن-شاشىن بولدى، 15 قاڭتاردا ساعات 22:00-دەن باستاپ قار قاتتى جاۋا باستادى. 16 قاڭتاردا ساعات 10:00 - دە قالادا 8 سم - گە دەيىن قار جاۋدى، كامەنسكوە پلاتودا -26 سم، شىمبۇلاق پەن ۇلكە الماتى وزەنىندە 46 سم.
كوكتايعاقتىڭ الدىن الۋ ماقساتىندا 156 قۇم تاراتقىشپەن كوكتايعاققا قارسى ماتەريالدار (كقم) سەبىلدى. 16 قاڭتاردا ساعات 10:00-دەگى جاعداي بويىنشا 3 450 توننا كقم پايدالانىلدى.
تۇنگى كەزەڭدە جول پوليسياسىنىڭ پاترۋلدىك ماشينالارىنىڭ ەرىپ جۇرۋىمەن 11 كولوننا قار كۇرەدى. قازىرگى ۋاقىتتا جول جيەكتەرىندەگى قار تازارتىلدى ءارى قاردى سىرتقا شىعارۋ ۇيىمداستىرىلدى.
176 بىرلىك شاعىن كولەمدى جيناۋ تەحنيكاسىنىڭ كۇشىمەن تروتۋارلاردى، جالپى پايدالانۋ ورىندارىن، الەۋمەتتىك ماڭىزى بار وبەكتىلەرگە كىرەبەرىستەردى مەحانيكالاندىرىلعان جيناۋ جۇمىستارى جۇرگىزىلۋدە. قوعامدىق كولىك ايالدامالارى مەن جەر ءۇستى وتكەلدەرىن جۇمىسشىلار تازارتۋدا. قار تازالاۋعا 438 بىرلىك تەحنيكا مەن 1 110 جول جۇمىسشىسى جۇمىلدىرىلدى.
اۋدان اكىمدىكتەرىندە جۇمىس ءوندىرىسىن باقىلاۋ بويىنشا تاۋلىك بويى كەزەكشىلىك ۇيىمداستىرىلدى.