2024 جىلدىڭ قاڭتار ايىندا بىرنەشە اۋىلدار مەن ساياجاي سەرىكتەستىكتەرى بىرىكتىرىلىپ، الاتاۋ قالاسى قۇرىلدى. پرەزيدەنت قاسىم-جومارت توقايەۆ بۇل قالانى پەرسپەكتيۆالى سالالار مەن ءتۋريزمدى دامىتۋعا باعىتتالعان «فلاگماندىق جوبا» دەپ اتادى. الايدا، قازىرگى ۋاقىتتا الاتاۋ قالاسىنىڭ تۇرعىندارى كوپتەگەن تۇرمىستىق قيىندىقتارعا تاپ بولىپ وتىر، دەپ حابارلايدى اlmaty-akshamy.kz.
ىرگەلى پروبلەمالار: سۋ جانە ەلەكترمەن قامتاماسىز ەتۋ
الاتاۋ قالاسىنا قوسىلعان بۇرىنعى قويانقۇس اۋىلىنىڭ تۇرعىندارى اۋىز سۋ، ەلەكتر ەنەرگياسى جانە جول ماسەلەلەرىمەن كۇرەسۋگە ءماجبۇر. جەرگىلىكتى تۇرعىن الفيانىڭ ايتۋىنشا، اۋىز سۋ جوق، ال ۇڭعىمالاردان الىنعان سۋ تەك تۇرمىستىق قاجەتتىلىكتەرگە جارامدى.
«جوعارعى بيلىكتىڭ الاتاۋ قالاسى ەكىنشى سينگاپۋر بولادى دەۋى تاڭقالدىرادى. ولار دامىعان يننوۆاسيالىق جانە دامىعان تەحنولوگيالىق قالا بولادى دەپ ۋادە بەرەدى. ءبىراق ازىرگە ونداي بولادى دەگەنگە سەنە المايمىن. ويتكەنى ءبىزدىڭ كۇندەلىكتى ماسەلەلەرىمىز شەشىلمەگەن. بىزدە اۋىز سۋ جوق»، - دەدى جەرگىلىكتى تۇرعىن الفيا.
بۇل جەردە ەلەكتر ەنەرگياسى ماسەلەسى دە وزەكتى بولىپ وتىر. تۇرعىندار ەلەكتر قۋاتىنىڭ تۇراقسىزدىعىنان سورعىلار مەن باسقا قۇرىلعىلاردىڭ بۇزىلىپ جاتقانىن ايتىپ شاعىمداندى. «ترانسفورماتور جەكە مەنشىك قولىندا بولعاندىقتان، يەسى ەلەكتر ەنەرگياسى ءۇشىن جوعارى تاريفتەر بويىنشا اقى جينايدى. الايدا، قىزمەتتەر تۇراقتى تۇردە تولەنبەدى. ناتيجەسىندە كوپتەگەن قارىزدار جينالدى. كەسىرىنەن قىستا ءبىز ەلەكتر قۋاتىنسىز قالدىق»، - دەدى الفيا.
گازبەن جابدىقتاۋ: جوعارى تاريفتەر
گازبەن جابدىقتاۋ ماسەلەسى دە تۇرعىنداردى مازالاپ وتىر. جەرگىلىكتى تۇرعىندار جىلدار بويى گازبەن جىلىتۋسىز ءومىر سۇرۋگە ءماجبۇر.
«ەر-كاي» ج ش س گاز وتكىزۋ بويىنشا قىزمەت كورسەتىپ، ميلليون تەڭگەدەن جوعارى تاريفتەر بەلگىلەدى. ال كورشى ەلدى مەكەندەردە بۇل قىزمەتتىڭ قۇنى 350-400 مىڭ تەڭگەدەن اسپايدى»، - دەپ ءتۇسىندىردى تۇرعىندار.
جول ماسەلەلەرى: كەدەرگىلەر مەن وقشاۋلانۋ
جول ماسەلەسى بۇگىنگى كۇنى كۇيىپ تۇر.
بۇرىنعى قويانقۇس اۋىلىنىڭ تۇرعىندارى نەگىزگى جولدىڭ جەكە مەنشىككە بەرىلگەنىن كۇتپەگەن جەردەن ءبىلدى. بۇل جول قاپشاعاي تاس جولىنا اپاراتىن نەگىزگى جول بولعاندىقتان، تۇرعىندار وقشاۋلانىپ قالدى.
«ءبىز جولدىڭ جەكە مەنشىككە قالاي تۇسكەنى جانە قۇرىلىس جۇمىستارىنىڭ قانشالىقتى زاڭدى ەكەندىگى تۋرالى رەسمي تۇسىنىكتەمە الا المادىق»، - دەدى جەرگىلىكتى تۇرعىن ەلدوس سۇلەيمەنوۆ.
جەرگىلىكتى بيلىك كوپىردى جوندەۋگە ۋادە بەردى، ءبىراق تۇرعىندار بۇل سوزدەرگە كۇمانمەن قارايدى.
«جوندەۋ جۇمىستارى باستالماي جاتىپ، ءبىز زيرات ارقىلى جۇرۋگە ءماجبۇرمىز. بۇل جاعدايدى ەلەستەتىپ كورىڭىزشى»، - دەدى تۇرعىن ءمولدىر.
الاتاۋ قالاسىنىڭ تۇرعىندارى كوپتەگەن تۇرمىستىق قيىندىقتارعا تاپ بولىپ وتىر. اۋىز سۋ، ەلەكتر ەنەرگياسى، گازبەن جابدىقتاۋ جانە جول ماسەلەلەرى جاقىن ارادا شەشىلۋى كەرەك.