بۇگىن «AMANAT» پارتياسىنىڭ ورتالىق اپپاراتىندا «AMANAT» پارتياسى جانىنداعى جاستاردى قولداۋ جونىندەگى رەسپۋبليكالىق كەڭەستىڭ وتىرىسى ءوتتى.
كەڭەستە «بولاشاق» حالىقارالىق ستيپەندياسىن دامىتۋ ستراتەگياسى مەن الداعى يننوۆاسيالار تالقىلاندى، دەپ حابارلايدى Almaty-akshamy.kz.
وتىرىسقا پارلامەنت ءماجىلىسىنىڭ دەپۋتاتتارى، عىلىم جانە جوعارى ءبىلىم ۆيسە-مينيسترى د.ششەگلوۆا، ەڭبەك جانە حالىقتى الەۋمەتتىك قورعاۋ ءبىرىنشى ۆيسە-مينيسترى ا.سارباسوۆ، «حالىقارالىق باعدارلامالار ورتالىعى» اق باسقارما ءتوراعاسى ءا.وسپانوۆا، مەملەكەتتىك ورگانداردىڭ وكىلدەرى، «بولاشاق» باعدارلاماسىنىڭ تۇلەكتەرى، كەڭەس جانە جاستار ۇيىمدارىنىڭ مۇشەلەرى، جۋرناليستەر جانە ت. ب. قاتىستى.
وتىرىستى اشا وتىرىپ، كەڭەس ءتوراعاسى، دەپۋتات نارتاي سارسەنعالييەۆ «بولاشاق» ستيپەندياسىن دامىتۋدىڭ 2024-2026 جىلدارعا ارنالعان جاڭا ستراتەگياسىن ەسكەرە وتىرىپ، ءبىرقاتار وزگەرىستەر بولاتىنىن اتاپ ءوتتى. يننوۆاسيالار ستيپەنديانىڭ تيىمدىلىگىن جانە قۇجاتتاردى قابىلداۋ مەن كونكۋرستىق ىرىكتەۋدىڭ اشىقتىعىن ارتتىرۋعا باعىتتالاتىن بولادى.
ق ر عىلىم جانە جوعارى ءبىلىم ۆيسە-مينيسترى دينارا ششەگلوۆا ستراتەگيانىڭ جاڭا تارماقتارى بويىنشا ءبىرقاتار تۇسىنىكتەمەلەر بەردى. سالالىق جانە وڭىرلىك سۇرانىستاردى، قىسقا مەرزىمدى جانە ۇزاق مەرزىمدى ستراتەگيالار مەن دامۋ جوسپارلارىن ەسكەرە وتىرىپ، باسىم ماماندىقتار ءتىزىمىن قالىپتاستىرۋ بويىنشا جۇمىس اياقتالدى، ءتىزىم بەكىتىلۋدە. سونداي-اق، ۇيىمدار مەن كاسىپورىنداردىڭ سۇرانىستارى بويىنشا توپتىق تاعىلىمدامالاردى ەنگىزۋ، پوستدوكتورانتۋرانى ىسكە قوسۋ، اۋىلدىق كۆوتالاردى ۇلعايتۋ مۇمكىندىگى قاراستىرىلۋدا، ستيپەنديادان ايىرىلعان تۇلعالاردان قاراجاتتى قايتارۋ بويىنشا جۇيەلى جۇمىس قۇرىلدى، اي سايىن مەملەكەتتىك بيۋدجەتكە شامامەن 160 ملن تەڭگە قايتارىلادى.
«حالىقارالىق باعدارلامالار ورتالىعىنىڭ» باسقارما ءتوراعاسى ءاليا وسپانوۆا ورتالىقتىڭ اتقارىلىپ جاتقان جۇمىستارى تۋرالى حابارلادى. قۇجاتتاردى قابىلداۋ جىل بويى جۇرگىزىلەدى جانە ءساۋىر ايىنىڭ سوڭىندا باستالادى، اۆتوماتتاندىرۋ كونتەكستىندە كونكۋرستىق ىرىكتەۋ پروسەسى قايتا قارالادى، جەرگىلىكتى اتقارۋشى ورگاندارمەن عىلىمي زەرتتەۋ تاقىرىبى بويىنشا ءوتىنىمدى قالىپتاستىرۋ جانە وڭىرلەردىڭ پروبلەمالارىن ءتيىمدى شەشۋ جانە كەيىننەن جۇمىسقا ورنالاستىرۋ ءۇشىن ءبىلىم الۋشى ستيپەندياتتاردىڭ كۋراتورلىعىن ۇيىمداستىرۋ ماسەلەسى پىسىقتالادى. ستيپەندياتتاردان تۇسكەن سۇرانىستاردى ەسكەرە وتىرىپ، جاۋاپتى مەملەكەتتىك ورگاندارمەن بىرگە 2012 جىلدان بەرى وزگەرمەگەن ستيپەنديا مولشەرى مەن شىعىستار نورمالارىن قايتا قاراۋ تالقىلانادى.
«قىسقا مەرزىم ىشىندە ءبىز تاعىلىمدامادان ءوتۋ شارتتارىن جاساسۋ پروسەسىن سيفرلاندىردىق. 1-16 اقپان ارالىعىندا TrustMe پلاتفورماسىندا 346 ونلاين كەلىسىم-شارت جاسالدى، بۇل ستيپەندياتتار جۇمسايتىن رەسۋرستاردى ايتارلىقتاي قىسقارتتى. «500 عالىم» عىلىمي تاعىلىمدامالار بويىنشا قۇجاتتاردى قابىلداۋدى اۆتوماتتاندىرۋ، ءسىم جانە ەلشىلىكتەرمەن بىرلەسىپ كەپىلدىك حاتتاردى سيفرلاندىرۋ، ۇمىتكەرلەرمەن جانە ستيپەندياتتارمەن ءوزارا ءىس-قيمىل جاساۋ ءۇشىن ونلاين - پلاتفورما مەن ءموبيلدى قوسىمشا ازىرلەۋ جوسپارلانۋدا»، - دەپ اتاپ ءوتتى ءا.وسپانوۆا.
كەزدەسۋ سوڭىندا قاتىسۋشىلار «بولاشاق» ستيپەندياسىنا ودان ءارى وزگەرىستەر ەنگىزۋدى تالقىلاۋ ءۇشىن برەينستورمينگ وتكىزۋگە كەلىستى.