«بولاشاق» باعدارلاماسى بويىنشا مامانداردى دايارلايتىن ۋنيۆەرسيتەتتەر تىزىمىنە 27 ەلدىڭ ۋنيۆەرسيتەتتەرى كىرگەن
«بولاشاق» باعدارلاماسى بويىنشا مامانداردى دايىندايتىن وقۋ ورىندارى تىزىمىنە رەسەيدىڭ جەتەكشى تەحنيكالىق جوعارى وقۋ ورىندارى ەنگىزىلدى، دەپ حابارلايدى Almaty-akshamy.kz
ەندى تەحنيكالىق باعىتتاعى مامانداردى دايىندايتىن تىزىمدە مىنا رەسەيلىك ۋنيۆەرسيتەتتەر بار:
- باۋمان اتىنداعى ماسكەۋ مەملەكەتتىك تەحنيكالىق ۋنيۆەرسيتەتى؛
- "ماسكەۋ ينجەنەرلىك فيزيكا ينستيتۋتى" ۇلتتىق زەرتتەۋ يادرولىق ۋنيۆەرسيتەتى؛
- لومونوسوۆ اتىنداعى ماسكەۋ مەملەكەتتىك ۋنيۆەرسيتەتى؛
- سانكت-پەتەربۋرگ مەملەكەتتىك ۋنيۆەرسيتەتى جانە ماسكەۋ فيزيكا-تەحنيكالىق ينستيتۋتى.
«قازىرگى ۋاقىتتا مينيسترلىك تىزىمگە ميفي ۇلتتىق زەرتتەۋ تەحنيكالىق ۋنيۆەرسيتەتىن جانە ۇلتتىق زەرتتەۋ ۋنيۆەرسيتەتىن ەنگىزۋ بويىنشا جۇمىس جۇرگىزىپ جاتىر»، - دەدى ءبىلىم جانە عىلىم مينيسترلىگى وكىلدەرى.
مينيسترلىك مالىمەتىنشە، تىزىمگە 27 ەلدىڭ 200-دەن استام ۋنيۆەرسيتەتى ەنگەن.
سونىمەن قاتار، ءبىلىم جانە عىلىم مينيسترلىگى «بولاشاق» باعدارلاماسى باسقا ەلدەرمەن جانە ۋنيۆەرسيتەتتەرمەن مامانداردى دايارلاۋ گەوگرافياسىن كەڭەيتەتىنىن مالىمدەدى.
«بىلتىر ءبىز گەوگرافيامىزدى ءتورت ەلمەن كەڭەيتتىك، ولاردىڭ اراسىندا اۆستريا، چەحيا، يرلانديا جانە وڭتۇستىك افريكا بار. سونىمەن بىرگە، «بولاشاق» باعدارلاماسىنا ءتۇسۋ مۇمكىندىكتەرى، مىسالى، گارۆارد ۋنيۆەرسيتەتىندە، ماسساچۋسەتس تەحنولوگيالىق ينستيتۋتىندا، وكسفورد ۋنيۆەرسيتەتىندە نەمەسە پرينستون ۋنيۆەرسيتەتىندە جانە ت.ب. بۇرىنعىسىنشا قالاتىنىن ءتۇسىنۋ كەرەك. الەمدەگى 200-دەن استام جوعارى وقۋ ورىندارىنىڭ ءتىزىمى تاعى بىرنەشە بەدەلدى رەسەيلىك جوعارى وقۋ ورىندارىمەن تولىعاتىنى تۇلەكتەرگە جوعارى وقۋ ورىندارىن تاڭداۋدا ودان دا كوپ مۇمكىندىكتەر بەرىپ، تەحنيكالىق باعىتتاعى مامانداردى دايارلاۋعا قولجەتىمدىلىكتى كەڭەيتەدى. سونىمەن قاتار، ءبىز مامانداردى دايارلاۋدىڭ تەحنيكالىق باعىتتارىنا باسا نازار اۋدارامىز»، - دەدى ءبىلىم جانە عىلىم ۆيسە-مينيسترى قۋانىش ەرعالييەۆ.