مەملەكەت باسشىسىنىڭ تاپسىرماسى بويىنشا ق ر وقۋ-اعارتۋ مينيسترلىگى پرەزيدەنتتىك جاستار كادرلىق رەزەرۆىنىڭ ۇلگىسى بويىنشا ءبىلىم بەرۋدەگى وزگەرىستەر كوشباسشىلارىن ىرىكتەۋ جانە دايارلاۋ مەحانيزمىن بەكىتتى، دەپ حابارلايدى اlmaty-akshamy.kz.
«ءبىلىم بەرۋدەگى وزگەرىستەردىڭ 1000 كوشباسشىسى» پيلوتتىق جوباسى اياسىندا 220 تالاپكەر سوڭعى ىرىكتەۋ كەزەڭدەرىنەن وتۋدە. وسىلايشا، 2024 جىلدان باستاپ جاڭا فورماتتاعى باسشىلاردىڭ كادرلىق رەزەرۆى جىل سايىن تولىقتىرىلاتىن بولادى.
كوللەدجدەردەگى مەنەدجمەنت جۇيەسىن جەتىلدىرۋ بويىنشا وسىنداي كادرلىق رەزەرۆتى قالىپتاستىرۋ جۇمىستارى ورتا كاسىپتىك جانە تەحنيكالىق ءبىلىم بەرۋ ۇيىمدارىندا دا جۇرگىزىلەتىن بولادى.
سونداي-اق ۇزدىك ءبىلىم بەرۋ ۇيىمدارىنىڭ باسشىلارىن «بولاشاق» باعدارلاماسى بويىنشا 3-6 ايلىق كۋرسقا شەتەلدەردە تاعىلىمدامادان وتۋگە جىبەرۋ جۇمىستارى جالعاسادى. قازىرگى تاڭدا 200-دەن استام پەداگوگ «بولاشاق» باعدارلاماسى اياسىندا «ءبىلىم» جانە «پەداگوگيكا» باعىتتارى بويىنشا شەتەلدەردە تاعىلىمدامادان وتۋدە.
بۇدان باسقا، ءبىرىنشى باسشىلاردىڭ كاسىبي الەۋەتىن ءتيىمدى پايدالانۋ ماقساتىندا 1000-عا جۋىق بالاباقشا مەڭگەرۋشىلەرى، مەكتەپ، كوللەدج ديرەكتورلارى روتاسيالاندى.