Trip يكاو جولاۋشىلاردى سايكەستەندىرۋ باعدارلاماسى بويىنشا ايماقتىق سيمپوزيۋم اياسىندا حالىقارالىق ازاماتتىق اۆياسيا كۇنىنە ارنالعان سالتاناتتى جيىن ءوتتى.
الەمنىڭ 30 ەلىنەن 280-دەن استام قاتىسۋشىنىڭ باسىن قوسقان حالىقارالىق دەڭگەيدەگى اتالعانشارا قازاقستاندا العاش رەت وتۋدە، دەپ حابارلايدى اlmaty-akshamy.kz.
يكاو اۆياسيالىق قاۋىپسىزدىك جانە فورمالدىلىقتى وڭايلاتۋ سەكتورى ديرەكتورىنىڭ ورىنباسارى سيلۆەن لەفۋايە قازاقستان فورمالدىلىقتى وڭايلاتۋ باعىتى بويىنشا قولداۋ كورسەتكەن ءبىرىنشى ەل ەكەنىن اتاپ ءوتتى.
سالتاناتتى جيىن بارىسىندا ءبىر توپ قىزمەتكەر قازاقستان رەسپۋبليكاسىنىڭ كولىك ءمينيسترى مارات قارابايەۆتىڭ اتىنان حالىقارالىق ازاماتتىق اۆياسيا كۇنىنە وراي العىس حاتتارمەن ماراپاتتالدى. سونداي-اق ءبىرقاتار مەملەكەتتىك ورگان، حالىقارالىق ۇيىم، اۋەجاي، شەتەلدىك جانە وتاندىق اۋە كومپانيالارى ارنايى بەكىتىلگەن نوميناسيالار بويىنشا ماراپاتتالدى.
ايتا كەتەرلىگى، ازاماتتىق اۆياسيا قىزمەتكەرلەرىنىڭ كاسىبي مەرەكەسى سالا ماماندارىنىڭ قۇرمەتىنە بۇۇ باس اسسامبلەياسىنىڭ شەشىمىمەن 1994 جىلعى 7 جەلتوقساننان باستاپ حالىقارالىق ازاماتتىق اۆياسيا تۋرالى كونۆەنسياعا قول قويىلعانىنا 50 جىل تولۋىنا وراي 1994 جىلعى 7 جەلتوقساننان باستاپ مەرەكەلەنە باستادى. وسى كونۆەنسياعا سايكەس بۇۇ-نىڭ ارنايى اگەنتتىگى — حالىقارالىق ازاماتتىق اۆياسيا ۇيىمى (يكاو) قۇرىلعان بولاتىن. قازاقستان 1992 جىلى چيكاگو كونۆەنسياسىن راتيفيكاسيالاي وتىرىپ، يكاو-نىڭ تولىق مۇشەسى اتاندى.