تورەشىلەر جەڭىستى ءبىراۋىزدان قازاقستاندىق بوكسشىعا بەردى
بوكستان بولگاريا استاناسى سوفيادا ءوتىپ جاتقان «ستراندجا» كۋبوگىندە قازاقستاندىق، الەم چەمپيونى بەكزات نۇرداۋلەتوۆ شيرەك فينالعا جولداما الدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
كىشى الەم چەمپيوناتى دەپ تە اتالاتىن ايتۋلى دودادا ب.نۇرداۋلەتوۆ 80 كەلىگە دەيىنگى سالماقتا ءتۇبى رەسەيلىك، سەربيا اتىنان سىنعا ءتۇسىپ جۇرگەن ارتەم اگەيەۆپەن جۇدىرىقتاستى. تورەشىلەر جەڭىستى ءبىراۋىزدان قازاقستاندىق بوكسشىعا بەردى.
تاعى ءبىر قازاقستاندىق كەنجە مۇرات ۇلى 51 كەلىگە دەيىنگى سالماقتا ءۇندىستاندىق بيشۆاميترا چونگتحامنان جەڭىلىپ قالدى – 0:5.
ەسكە سالا كەتەيىك، بۇدان بۇرىن «ستراندجا» كۋبوگىندە قازاقستاندىق سەگىز بوكسشىنىڭ شارشى الاڭعا شىعاتىنىن جازعان بولاتىنبىز.
بۇگىن ورازبەك اسىلقۇلوۆ ¼ فينالعا جولداما الدى.