كەي وڭىردە قار ارالاس جاڭبىر جاۋادى
سينوپتيكتەر قازاقستان بويىنشا 2022 جىلعى 24 اقپانعا ارنالعان اۋا رايى بولجامىن ۇسىندى، دەپ حابارلايدى Almaty-akshamy.kz.
"قازگيدرومەت" رمك تاراتقان مالىمەتكە سۇيەنسەك، اتلانتيكالىق سيكلوننىڭ اسەرىنەن ەلىمىزدىڭ باسىم بولىگىندە اۋا رايى تۇراقسىز بولادى.
سينوپتيكتەردىڭ بولجاۋىنشا، جۇما كۇنى كەي وڭىردە قار ارالاس جاڭبىر جاۋادى، تەك باتىستا، وڭتۇستىكتە، وڭتۇستىك-شىعىستا كۇن رايى جاۋىن-شاشىنسىز بولادى.
سونداي-اق كوكتايعاق، تۇمان، نايزاعاي، بۇرقاسىن بولجاندى.
استانا قالاسى: كوشپەلى بۇلتتى، تۇندە ازداعان قار جاۋادى. جاياۋ بۇرقاسىن بولادى. وڭتۇستىك-باتىستان جەل سوعادى، كۇشى 9-14، كۇندىز ەكپىنى 15-20 م/س. اۋانىڭ تەمپەراتۋراسى تۇندە جانە كۇندىز -7-9°س، كۇندىز ودان ءارى تومەندەيدى.
الماتى قالاسى: كوشپەلى بۇلتتى، جاۋىن-شاشىنسىز. جەل 0-5 م/س. اۋانىڭ تەمپەراتۋراسى تۇندە +2+4°س، كۇندىز +13+15°س بولادى.
شىمكەنت قالاسى: كوشپەلى بۇلتتى، تاڭەرتەڭ جانە كۇندىز جاڭبىر جاۋادى. وڭتۇستىك-باتىستان سوعاتىن جەل سولتۇستىك-باتىسقا اۋىسقاندا كۇشى 8-13، تاڭەرتەڭ جانە كۇندىز ەكپىنى 15-20 م/س. اۋانىڭ تەمپەراتۋراسى تۇندە +6+8°س، كۇندىز +14+16°س بولادى.