الۋا بالقىبەكوۆاعا 30 مىڭ اقش دوللارى بەرىلەدى
تۇركيانىڭ ىستانبۇل قالاسىنداعى الەم چەمپيوناتىندا جۇلدەگەرلەر قاتارىنان كورىنگەن قازاقستاندىق بوكسشىلار قارجىلاي سىياقىمەن ماراپاتتالدى، دەپ حابارلايدى Almaty-akshamy.kz.
بۇل جونىندە قازاقستان بوكس فەدەراسياسى ءمالىم ەتتى.
قازاقستان بوكس فەدەراسياسىنىڭ پرەزيدەنتى كەڭەس راقىشيەۆ ەلىمىزدىڭ سپورتشىلارىن قولداۋ ماقساتىندا تۇركياداعى الەم چەمپيوناتىنا ارنايى كەلدى.
ساپار بارىسىندا ول وتاندىق بوكستى دامىتۋعا بايلانىستى شەتەلدىك ارىپتەستەرىمەن ءبىرقاتار ماڭىزدى كەزدەسۋلەر وتكىزدى.
ودان كەيىن قازاقستاندىق بوكسشى الۋا بالقىبەكوۆانىڭ فينالدىق جەكپە-جەگىن تاماشالادى. سپورتشىلارمەن جۇزدەسۋدە جۇلدەگە ىلىككەن جانە بوكستىڭ جارقىن ۇلگىسىن كورسەتكەن بۇكىل بوكسشىلارعا العىس ايتتى.
ايتا كەتەيىك، الەم چەمپيوناتىنىڭ قورىتىندىسى بويىنشا جۇلدەگەرلەر IBA سىياقىسىنان بولەك قازاقستان بوكس فەدەراسياسىنىڭ قارجىلاي سىياقىسىمەن ماراپاتتالادى.
وسىلايشا كۇمىس جۇلدەگەر الۋا بالقىبەكوۆاعا 30 مىڭ اقش دوللارى بەرىلسە، قولا جۇلدەگەرلەر جاينا شەكەربەكوۆا، دينا جولامان، كارينا يبراگيموۆا جانە ۆالەنتينا حالزوۆا 10 مىڭ دوللارعا يە بولادى.