ۇشەۋى دە كۇندىزگى سەسسيادا ونەر كورسەتەدى
ءۇندىستاننىڭ نيۋ-دەلي قالاسىندا بوكستان ايەلدەر اراسىندا ءوتىپ جاتقان الەم چەمپيوناتىندا بۇگىن ءۇش قازاقستاندىق سپورتشى رينگكە شىعادى، دەپ حابارلايدى Almaty-akshamy.kz.
الەم چەمپيوناتىنىڭ جۇلدەگەرلەرى الۋا بالقىبەكوۆا، جاينا شەكەربەكوۆا جانە نادەجدا ريابەس العاشقى كەزدەسۋلەرىن وتكىزەدى.
الۋا بالقىبەكوۆا 48 كەلىگە دەيىنگى سالماقتا 1/16 فينالدا سينگاپۋرلىق كەي ۆان چي ۆايمەن، جاينا شەكەربەكوۆا (54 كگ) وڭتۇستىككورەيالىق ە چجي يممەن، نادەجدا ريابەس (66 كگ) تاعى ءبىر كورەيالىق بوكسشى ءسون سۋدجينمەن جۇدىرىقتاسادى.
ۇشەۋى دە استانا ۋاقىتىمەن ساعات 14.30-دا باستالاتىن كۇندىزگى سەسسيادا ونەر كورسەتەدى.
الەم بىرىنشىلىگىن تىكەلەي ەفيردە «Qazsport» تەلەارناسىنان كورۋگە بولادى.
وسىعان دەيىن رينگكە شىققان ءۇش قازاقستاندىق بوكسشى كەلەسى كەزەڭگە ءوتتى.