ولاردىڭ جەكپە-جەگى ب رينگىندە ونىنشى بولىپ تىركەلگەن
وزبەكستان استاناسى تاشكەنت قالاسىندا ءوتىپ جاتقان الەم چەمپيوناتىنىڭ ءتورتىنشى جارىس كۇنىندە ەل قۇراماسىنان ەكى بوكسشى رينگكە شىعادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
4 مامىردا قازاقستاندىق ەكى بىلعارى قولعاپ شەبەرى شارشى الاڭعا شىعادى.
ەلوردا ۋاقىتىمەن 14:00-دە باستالاتىن كۇندىزگى سەسسيادا 1/16 فينالدا ءساناتالي تولتايەۆ (63،5 كەلى) ماۆريكيي ەلىنەن كەلگەن ريشارنو كولينمەن قولعاپ تۇيىستىرەدى.
ولاردىڭ جەكپە-جەگى ب رينگىندە ونىنشى بولىپ تىركەلگەن.
ال كەشكى سەسسيا ەلوردا ۋاقىتىمەن 19:00-گە بەلگىلەنگەن.
بۇل سەسسيادا قامشىبەك قوڭقابايەۆ (92 كەلىدەن جوعارى) رەسەيلىك الەكسەي درونوۆپەن ا رينگىندە ون ءۇشىنشى جۇپتا سىنعا تۇسەدى.
ايتا كەتسەك، قازاقستان قۇراماسىندا 3 مامىردا تالعات سىرىمبەتوۆ (60 كەلى) قارسىلاسىنا ەسە جىبەرىپ، جارىس جولىنان شىعىپ قالدى.
ال ايبەك ورالباي (92 كەلى) جانە ساعىندىق توعامباي (86 كەلى) العاشقى جەكپە-جەگىندە جەڭىسكە جەتتى.