فەستيۆال مەملەكەتتىڭ قارجىلىق قولداۋىنسىز وتكىزىلىپ كەلەدى
6-10 قىركۇيەك ارالىعىندا الماتىدا BAIQONYR حالىقارالىق كينوفەستيۆالى وتەدى، دەپ حابارلايدى Almaty-akshamy.kz.
كينوفەستيۆالدىڭ ميسسياسى - كينەماتوگرافتىڭ دامۋىنا جاردەمدەسۋ، تالانتتى اۆتورلاردى قولداۋ جانە قازاقستاندىق مادەنيەتتى الەمدىك كينو قوعامداستىعىنا ىقپالداستىرۋ.
بيىلعى جىلدىڭ باستى توسىن سىيى جاڭا حالىقارالىق بايقاۋ بولماق - 8ء-شى كينوفەستيۆالگە قىسقامەتراجدى عانا ەمەس، سونىمەن قاتار دەبيۋتتىك تولىقمەتراجدى فيلمدەر دا قاتىسا الادى.
ايتا كەتەيىك، فەستيۆال پرەزيدەنتى ءانۋار كەنجەبايەۆ جاقىندا وتكەن قازاقستان كينوسىنشىلارى قاۋىمداستىعىنىڭ «سىنشىلار تاڭداۋى» جەڭىمپازدارىن ماراپاتتاۋ راسىمىندە لاۋرەاتتار قاتارىنان كورىندى.
بۇل جيىندا ول «فەستيۆال قوزعالىسىنا قوسقان ۇلەسى ءۇشىن» ارنايى جۇلدەسىنە يە بولدى.
فەستيۆالدىڭ بىرەگەيلىگى - ول وسى جىلدار بويى مەملەكەتتىڭ قارجىلىق قولداۋىنسىز وتكىزىلىپ كەلەدى.
Baiqonyr-2023 بايقاۋ باعدارلاماسى مىناداي:
- حالىقارالىق دەبيۋتتىك تولىقمەتراجدى كوركەم فيلمدەردىڭ بايقاۋى؛
- حالىقارالىق كوركەم جانە دەرەكتى قىسقامەتراجدى فيلمدەر بايقاۋى؛
- ۇلتتىق كوركەم جانە دەرەكتى قىسقامەتراجدى فيلمدەر بايقاۋى.
بايقاۋلاردىڭ ءارقايسىسىن بەدەلدى قازىلار القاسى باعالايدى.
كونكۋرستان تىس باعدارلاما دا اۋقىمدى بولماق.
ول جەردە تمد ەلدەرىنىڭ كينوتانۋشىلارى مەن سىنشىلارىنىڭ II فورۋمى وتەدى، ونىڭ جۇمىسىنا 30-دان استام شەتەلدىك مامان قاتىسادى.
ءبىلىم باعدارلاماسىندا تانىمال رەجيسسەرلەر مەن اكتەرلەردەن ماستەر كلاسس، ۆوركشوپتار مەن دارىستەر، كينويندۋستريانىڭ وزەكتى ماسەلەلەرى بويىنشا دوڭگەلەك ۇستەلدەر قامتىلعان.
VIII BAIQONYR Film Festival كونكۋرستىق باعدارلاماسىنا قاتىسۋعا ءوتىنىم قابىلداۋ 5 مامىردا باستالادى.
حالىقارالىق كونكۋرستارعا ءوتىنىم - 1 شىلدەگە دەيىن، ۇلتتىق كونكۋرستارعا - 1 تامىزعا دەيىن قابىلدانادى.
فەستيۆال تمد مەملەكەتتەرىنىڭ مەملەكەتارالىق گۋمانيتارلىق ىنتىماقتاستىق قورىنىڭ قولداۋىمەن وتەدى.