قازاقستان بوكسشىسى ابزال سەرىك تايلاندتىڭ بانگكوك قالاسىندا ءوتىپ جاتقان 22 جاسقا دەيىنگى ازيا چەمپيوناتىندا جارتىلاي فينالدىق جەكپە-جەگىن وتكىزدى، دەپ حابارلايدى Almaty-akshamy.kz Egemen.kz-كە سىلتەمە جاساپ.
67 كەلىگە دەيىنگى سالماقتا فينالعا شىعۋ ءۇشىن ابزال سەرىك كامبودجا سپورتشىسى ۆانتحۋنگپەن جۇدىرىقتاستى. بۇل جەكپە-جەك تورەشىلەردىڭ ءبىراۋىزدان قابىلداعان شەشىمىمەن قازاقستان سپورتشىسىنىڭ جەڭىسىمەن اياقتالدى.
"وسىلايشا، ابزال سەرىك ءتۋرنيردىڭ فينالىنا شىعىپ، قۇرلىق بىرىنشىلىگىنىڭ التىن جۇلدەسى ءۇشىن كۇرەسەدى"، - دەپ جازدى Sports.kz.
بۇعان دەيىن قازاقستان ەرلەر قۇراماسى ساپىندا سانجار تاشكەنباي (48 كەلى)، نۇرسۇلتان التىنبەك (54 كەلى) جانە ماحمۇد سابىرحان (57 كەلى) ازيا چەمپيوناتىنىڭ فينالىنا شىققان ەدى. سونداي-اق بۇگىن قازاقستان اتىنان سابىرجان اققالىقوۆ (71 كەلى)، دياس مولجىگىتوۆ (75 كەلى)، ەراسىل جاقپەكوۆ (80 كەلى)، ەرحات بەكزات (92 كەلى) جانە امانات سابىرعالي (+92 كەلى) سىنعا تۇسەدى.