ك. يبراگيموۆا شيرەك فينالعا شىعىپ، مەدالعا ءبىر تابان جاقىنداي ءتۇستى.
ءۇندىستاننىڭ نيۋ-دەلي قالاسىندا بوكستان ايەلدەر اراسىندا ءوتىپ جاتقان الەم چەمپيوناتىندا كارينا يبراگيموۆا ەكىنشى جەكپە-جەگىن دە ءساتتى وتكىزدى، دەپ حابارلايدى اlmaty-akshamy.kz.
الەم چەمپيوناتىنىڭ قولا جۇلدەگەرى ك.يبراگيموۆا 57 كەلىگە دەيىنگى سالماقتا ازەربايجاندىق ماحساتي حامزايەۆامەن شەبەرلىك بايقاستى.
كارينا العاشقى جەكپەگىندە كولۋمبيالىق ۆالەريا اربولەدا مەندوسانى نوكاۋتپەن جەڭگەن بولاتىن.
كارينا بۇل جولى دا سوققىلارىن ءدال جۇمساي ءبىلدى. ءتىپتى ەكىنشى راۋندتا قارسىلاسىن نوكداۋنعا جىبەردى. ءۇشىنشى كەزەڭدە م.حامزايەۆا تاعى ءبىر نوكداۋن العاننان كەيىن تورەشى جەكپە-جەكتى توقتاتتى.
وسىلايشا، ك. يبراگيموۆا شيرەك فينالعا شىعىپ، مەدالعا ءبىر تابان جاقىنداي ءتۇستى.