قازاقستاندىق كاسىپقوي بوكسشى فيرۋزا ءشارىپوۆا مما سپورتىنا اۋىستى، دەپ حابارلايدى Almaty-akshamy.kz Inform.kz-كە سىلتەمە جاساپ.
بۇل جايىندا ول ءوزىنىڭ Instagram پاراقشاسىندا مالىمدەدى. ايتۋىنشا، 30 شىلدەدە نۇر-سۇلتاندا وتەتىن اتاقتى Alash Pride پروموۋشەنىنىڭ تۋرنيرىندە العاش رەت ب ا ق سىنايدى. «مەنىڭ وسى جارىسقا قاتىساتىنىم بيىلعى ناۋرىز ايىندا شەشىلگەن بولاتىن.
سول كەزدە دۋبايدا وتكەن حالىقارالىق EXPO 2020 كورمەسىندە Alash Pride KZ كلۋبىنىڭ پرەزيدەنتى دانيار قاسقاراۋوۆپەن كەزدەسىپ، كەلىسىمگە كەلدىك» دەپ جازادى فيرۋزا ءشارىپوۆا. قارسىلاسى كىم بولاتىنى ءالى بەلگىسىز. ونىڭ ەسىمى جاقىندا جاريالانادى دەيدى سپورتشى. ەستەرىڭىزدە بولسا، 2019 جىلى فيرۋزا ءشارىپوۆا سپورتپەن قوش ايتىسىپ، ءسابيلى بولعان ەدى.
دەگەنمەن ارادا ءبىر جىل وتكەندە 25 جاستاعى سپورتشى كاسىبي بوكسقا قايتا ورالعان. سول جىلى قازاندا وتكەن كاسىبي بوكس كەشىندە IBA نۇسقاسى بويىنشا ءبىرىنشى ورتا سالماقتا الەم چەمپيونى اتاندى. ول تانزانيالىق حەپپي داۋديمەن رينگكە شىقتى. ال بىلتىر جەلتوقساندا جەڭىل سالماقتاعى الەمنىڭ ابسوليۋت چەمپيونى يرلانديالىق كەتي تەيلوردان جەڭىلىپ قالعان ەدى. قازاقستاندىق كاسىپقوي بوكستا وسىمەن ەكىنشى رەت جەڭىلىسكە ۇشىرادى.
سونداي-اق ونىڭ قورجىنىندا 14 جەڭىس بار.