سەنات دەپۋتاتتارى جالعان اقپارات تاراتقاندارعا ايىپپۇل سالاتىن جانە بلوگەرلەردى جارنامانى تاڭبالاۋعا مىندەتتەيتىن زاڭ جوباسىن قابىلدادى.
“ونلاين-پلاتفورمالار جانە ونلاين-جارناما تۋرالى” زاڭعا سايكەس مەنشىك يەلەرى مەن وكىلدەر قاتە اقپاراتتى جويۋعا مىندەتتى بولادى، دەپ حابارلايدى Almaty-akshamy.kz Ulysmedia.kz-كە سىلتەمە جاساپ.
سونداي-اق، "بلوگەر" جانە "اسەر ەتۋشى" تەرمينىنىڭ انىقتاماسى ەنگىزىلەدى. ونلاين-پلاتفورمالاردا جارنامانى تاڭبالاۋ مىندەتتى بولادى.
سونىمەن قاتار، الەۋمەتتىك جەلىلەر ينتەرفەيستەردى قازاق تىلىنە اۋدارۋعا مىندەتتەيدى.
اقپارات جانە قوعامدىق دامۋ ۆيسە-مينيسترى ەۆگەنيي كوچەتوۆ مەملەكەتتىك تىلدە پايدالانۋشىلار سانى جىل سايىن ءوسىپ كەلە جاتقانىن اتاپ ءوتتى.
«Tik-Tok ءقازىر ءوزىنىڭ ينتەرفەيسىن مەملەكەتتىك تىلگە اۋداردى، Facebook اۆتوماتتى اۋدارمانى ەنگىزدى جانە وسى باعىتتا ناقتى وزگەرىستەر بار. زاڭدا كەيبىر نورمالار بار، اتاپ ايتقاندا، اۆتوماتتى اۋدارمانى پايدالانۋ جانە قازاق تىلىندە پايدالانۋشى كەلىسىمىنىڭ بولۋى. بارلىق پايدالانۋشىلار ءۇشىن تەڭ جاعداي جاساۋ قاجەت»، - دەدى ۆيسە-مينيستر.