بلوگەر اسەل اسقاردى جاتتىعۋ زالىندا بەلگىسىز ەر ادام بالاعاتتاپ، سوققىعا جىققان، دەپ حابارلايدى Almaty-akshamy.kz.
ءتۇرى كاۆكاز ۇلتىنىڭ وكىلى، گرەك-ريم كۇرەسىنەن چەمپيون، كاسىبي سپورتشى سوققىعا جىقتى. انامدى بالاعاتتاپ، وزىنە ەشكىمنىڭ ەشتەڭە ىستەي المايتىنىن ايتىپ قورقىتتى. ونىڭ بەلدى ادام ەكەنى بەلگىلى بولدى. ول مەنى ۇرىپ قانا قويماي، "قازاقتىڭ جەزوكشەسى" دەدى. وسى وقيعانى انىقتاپ، قولدانىستاعى زاڭناما اياسىندا شەشىم قابىلداۋلارىڭىزدى سۇرايمىن. قۇرمەتتى گەنەرال زاپاروۆ ارىستانعالي راسىلحان ۇلى مىرزا، وسى تەرگەۋدىڭ بارىسىن جەكە باقىلاۋعا الۋىڭىزدى سۇرايمىن، – دەدى اسەل اسقار.
پوليسيا دەپارتامەنتىنىڭ بلوگەردى ۇرعان كۇدىكتىنى انىقتادى. كۇدىكتى 27 جاستاعى ازامات. اتالعان ءىس اكىمشىلىك كودەكس اياسىندا "ۇساق بۇزاقىلىق" جانە "ۇرىپ-سوعۋ" باپتارىمەن قاراستىرىلماق.
اتالعان دەرەكتى مەدەۋ اۋداندىق پوليسيا باسقارماسى تىركەپ، تەكسەرۋدە. 1996 جىلى تۋعان ازاماتقا قاتىستى اقبتك - ءنىڭ 73-1 ("ۇرىپ-سوعۋ") جانە اقبتك-نىڭ 434 ("ۇساق بۇزاقىلىق") باپتارى بويىنشا اكىمشىلىك ءىس قوزعالدى. جابىرلەنۋشى العان دەنە جاراقاتتارىنىڭ اۋىرلىق دارەجەسىن انىقتاۋ ماقساتىندا سوت-مەديسينالىق ساراپتاما تاعايىندادى. شەشىم شىعارۋ ءۇشىن ءىس جۇرگىزۋ ماتەريالدارى سوتقا جىبەرىلەتىن بولادى، - دەپ مالىمدەدى پد باسپا ءسوز قىزمەتى.