جىلدىق 6% - بەن، 500 ملن تەڭگەگە دەيىن، 7 جىلعا دەيىنگى مەرزىممەن نەسيەلەر الۋ مۇمكىندىگى قاراستىرىلعان.
الماتى قالاسى كاسىپكەرلىك جانە ينۆەستيسيالار باسقارماسىنىڭ باسشىسى بەرىك سولتانبايەۆ وڭىرلىك كوممۋنيكاسيالار قىزمەتىنىڭ الاڭىندا سويلەگەن سوزىندە بيزنەستى قولداۋ جونىندەگى نەگىزگى باعدارلاما كاسىپكەرلىكتى دامىتۋ جونىندەگى ۇلتتىق جوبا بولىپ تابىلاتىنىن، وندا سۋبسيديالاۋ جانە كەپىلدىك بەرۋ سياقتى قۇرالدار قاراستىرىلعانىن اتاپ ايتتى، دەپ حابارلايدى Almaty-akshamy.kz
«بۇل باعدارلاما بويىنشا بيىل 105،2 ملرد. تەڭگە نەسيە سوماسىنا 1 258 جوبا قارجىلاندىرىلدى. وسى قۇرالدار بويىنشا ءبىزدىڭ باسقارما تەك وڭىرلىك ۇيىمداستىرۋشى بولىپ تابىلادى، قاراجات ەكىنشى دەڭگەيدەگى بانكتەرگە قاراجاتتى ودان ءارى ورنالاستىرۋ ءۇشىن «دامۋ» كاسىپكەرلىكتى دامىتۋ قورى» جىبەرىلەدى»، - دەدى ول.
سونداي-اق، ۇلتتىق جوبا اياسىندا «قاراپايىم زاتتار ەكونوميكاسى» باعدارلاماسى ىسكە اسىرىلۋدا. بيىل 12،1 ملرد. تەڭگە نەسيە سوماسىنا 7 جوبا قارجىلاندىرىلدى (باعدارلاما بيۋدجەتى 7،9 ملرد تەڭگەنى قۇرايدى).
«دامۋ» قورىمەن بىرلەسىپ «Almaty Business» وڭىرلىك باعدارلاماسى شەڭبەرىندە «Jana Business» جاڭا قوسالقى ءونىمى قۇرىلدى، وندا جەڭىلدەتىلگەن نەسيەلەر بويىنشا ەڭ جوعارى مولشەرلەمە 7% – دان 6% - عا دەيىن تومەندەتىلدى، كرەديتتەۋ سوماسى 100 ملن تەڭگەگە دەيىن، مەرزىمى-7 جىل.
باعدارلامانىڭ تاعى ءبىر جاڭاشىلدىعى ونەركاسىپ پاركتەرى سۋبەكتىلەرىنە جىلدىق 6% - بەن، 500 ملن تەڭگەگە دەيىن، 7 جىلعا دەيىنگى مەرزىممەن نەسيەلەر الۋ مۇمكىندىگى قاراستىرىلعان.
ساۋدا وپەراسيالارىنىڭ تيىمدىلىگىن ارتتىرۋ ماقساتىندا «JanaBusiness» باعدارلاماسىندا جىلدىق 8،5% مولشەرلەمە بويىنشا فاكتورينگتىك مامىلەلەردى قارجىلاندىرۋ مۇمكىندىگى قاراستىرىلعان. باعدارلامانىڭ بيۋدجەتى 5،4 ملرد. تەڭگەنى قۇرايدى، بۇگىنگى تاڭدا 3،8 ملرد. تەڭگە سوماسىنا 44 جوبا قارجىلاندىرىلدى (ونىڭ ىشىندە 1 ملرد تەڭگە فاكتورينگتىك مامىلەلەردى قارجىلاندىرۋعا باعىتتالعان، كەلىسىمگە سايكەس «دامۋ «كدق» اق-2 ملرد. تەڭگە قاراجات بولىنەدى دەپ كۇتىلۋدە).
«الماتى بيزنەس-2025» وڭىرلىك باعدارلاماسى اياسىندا اعىمداعى جىلدىڭ ءبىرىنشى جارتىجىلدىعىندا 88 جوبا قارجىلاندىرىلدى، 707 جاڭا جۇمىس ورنى قۇرىلدى.
«سونداي-اق، 5 ملن تەڭگەگە دەيىن مەملەكەتتىك گرانتتار بەرۋ قۇرالى ىسكە اسىرىلۋدا. قۇرالدى ىسكە اسىرۋعا 2023 جىلى بيۋدجەتتەن 545 ملن تەڭگە ءبولىندى (رب - 45 ملن تەڭگە، جب - 500 ملن تەڭگە). بيىلعى 1-11 ماۋسىمى ارالىعىندا كونكۋرستىق ىرىكتەۋگە وتىنىمدەر قابىلداندى. 1 827 ءوتىنىم كەلىپ ءتۇستى، جۇمىس ءۇشىن 1 156 ءوتىنىم قابىلداندى (516 ءوتىنىم قابىلدانبادى، 155 ءوتىنىم كەرى قايتارىلدى). بۇگىنگى تاڭدا كونكۋرستىق كوميسسيا وتىنىمدەردى قاراۋ بويىنشا جۇمىس جۇرگىزۋدە»، - دەپ جالعاستىردى سولتانبايەۆ.
سپيكەردىڭ ايتۋىنشا، جەڭىلدەتىلگەن نەسيەلەۋگە سۇرانىس جوعارى. وسىعان بايلانىستى مەملەكەتتىك قولداۋدىڭ قارجى قۇرالدارىن ىسكە اسىرۋدىڭ ۇزدىكسىزدىگىن قامتاماسىز ەتۋ ءۇشىن نەسيەلەۋگە جانە سۋبسيديالاۋعا 8،5 ملرد تەڭگە مولشەرىندە قوسىمشا قاراجات ءبولۋ قولداۋ تاپتى (Almaty Business-2025 - 6 ملرد. تەڭگە كرەديتتەۋگە، پايىزدىق مولشەرلەمەنى سۋبسيديالاۋعا - 2،5 ملرد. تەڭگە).