بۇل تۋرالى الماتى قالاسى اكىمدىگىنىڭ كاسىپكەرلىك جانە ينۆەستيسيالار باسقارماسىنىڭ باسشىسى بەرىك سولتانبايەۆ مالىمدەدى.
ونىڭ ايتۋىنشا، قالا ەكونوميكاسىنىڭ باسىم بولىگى، بۇل 57،5% شاعىن جانە ورتا بيزنەستى قالىپتاستىرادى. وعان ەكونوميكالىق بەلسەندى حالىقتىڭ 83%-ى جۇمىلدىرىلعان، دەپ حابارلايدى Almaty-akshamy.kz.
بەرىك سولتانبايەۆ حابارلاعانداي، قالادا بارلىعى 380 مىڭ شاعىن جانە ورتا كاسىپكەرلىك سۋبەكتىسى تىركەلگەن، بۇل وتكەن جىلدىڭ سايكەس كەزەڭىنىڭ كورسەتكىشىنەن 22% - عا جوعارى (312 784 بىرلىك). جۇمىس ىستەپ تۇرعان شاعىن جانە ورتا كاسىپكەرلىك سۋبەكتىلەرىنىڭ سانى 323 مىڭدى قۇرايدى، بۇل دا وتكەن جىلدىڭ سايكەس كەزەڭىنەن 39% - عا جوعارى (233 030 بىرلىك). ايتا كەتسەك، ەلىمىز بويىنشا بۇل كورسەتكىشتە مەگاپوليس ءبىرىنشى ورىندى الىپ تۇر.
"كاسىپكەرلىك باستامانىڭ ارقاسىندا بۇگىندە قالا ەكونوميكانىڭ بەستەن ءبىر بولىگىن ەل بيۋدجەتى كىرىسىنىڭ تورتتەن ءبىرىن قامتاماسىز ەتەدى"، - دەيدى ب.سولتانبايەۆ.
- شاعىن جانە ورتا كاسىپكەرلىك قالا ەكونوميكاسىنىڭ ىرگەتاسى بولىپ تابىلادى. بيزنەستى مەملەكەتتىك قولداۋ بويىنشا جۇيەلى جۇمىس جۇرگىزىلۋدە. جاڭا جۇمىس ورىندارىن قۇرۋ ماقساتىندا قارجىلىق جانە قارجىلىق ەمەس قولداۋ قۇرالدارىنىڭ كەڭ جيىنتىعى تارتىلدى".
"كاسىپكەرلىك باستامانىڭ ارقاسىندا بۇگىندە قالا ەكونوميكانىڭ بەستەن ءبىر بولىگىن ەل بيۋدجەتى كىرىسىنىڭ تورتتەن ءبىرىن قامتاماسىز ەتەدى"، - دەيدى ب.سولتانبايەۆ.- شاعىن جانە ورتا كاسىپكەرلىك قالا ەكونوميكاسىنىڭ ىرگەتاسى بولىپ تابىلادى. بيزنەستى مەملەكەتتىك قولداۋ بويىنشا جۇيەلى جۇمىس جۇرگىزىلۋدە. جاڭا جۇمىس ورىندارىن قۇرۋ ماقساتىندا قارجىلىق جانە قارجىلىق ەمەس قولداۋ قۇرالدارى قولدانىلادى".
كاسىپكەرلىكتى قولداۋ اياسىندا قالا كەلەسى شارالاردى ۇسىنادى:
- جەڭىلدىكپەن نەسيەلەۋ (6% - دان 500 ملن. تەڭگەگە دەيىن كەپىل، 12% - دان 6 ملن. تەڭگەگە دەيىن كەپىلسىز)؛
- قارىزدار بويىنشا پايىزدىق مولشەرلەمەنى سۋبسيديالاۋ (كاسىپكەر ءۇشىن تۇپكىلىكتى مولشەرلەمە 8%)؛
- يننوۆاسيالىق بيزنەس-يدەيالاردى ىسكە اسىرۋ ءۇشىن وتەۋسىز نەگىزدە 5 ملن. تەڭگەگە دەيىن مەملەكەتتىك گرانتتار بەرۋ؛
- قارىزعا كەپىلدىك بەرۋ (85% دەيىن)؛
- ينۆەستيسيالىق جوبالار ءۇشىن جەتىسپەيتىن ينفراقۇرىلىمدى جۇرگىزۋ؛
- فاكتورينگتىك مامىلەلەردى قارجىلاندىرۋ (8،5% - دان 100 ملن. تەڭگەگە دەيىن)؛
-بيزنەس-يدەيالاردىڭ پايدا بولۋىنان باستاپ قارجىلاندىرۋعا دەيىن كونسۋلتاسيالىق قىزمەتتەر كورسەتۋ؛
- رەزيدەنتتەرى سالىق جانە كەدەندىك تولەمدەردەن بوساتۋ تۇرىندەگى پرەفەرەنسيالارمەن قامتاماسىز ەتىلەتىن يندۋستريالىق جانە ارنايى ەكونوميكالىق ايماقتىڭ اۋماقتارىندا جەر ۋچاسكەلەرىن بەرۋ؛
- شوك سۋبەكتىلەرى ءۇشىن قولجەتىمدى وندىرىستىك الاڭداردى ۇسىنۋ (شاعىن ونەركاسىپتىك پاركتەردە)؛
- دەمالىس كۇندەرى جارمەڭكەلەردە ساۋدا ورىندارىن جەڭىلدىكپەن جالعا بەرۋ.
وسى مەملەكەتتىك قولداۋ شارالارى ءۇشىن 2023 جىلى 48،5 ملرد.تەڭگە ءبولىندى، بۇگىنگى تاڭدا جالپى نەسيە سوماسى 84،9 ملرد. تەڭگەگە 1 119 جوبا قارجىلاندىرىلدى.