پرەمەر-مينيستر ءاليحان سمايىلوۆ «قازاقستاندىق قامتۋ 2.0» حالىقارالىق فورۋمىندا سويلەگەن سوزىندە بيزنەستى قولداۋ باعىتىندا اتقارىلىپ جاتقان شارۋالارعا توقتالدى، دەپ حابارلايدى اlmaty-akshamy.kz.
«سوڭعى جىلدارداعى وقيعالار جاھاندىق جانە ايماقتىق ەكونوميكاعا وراسان زور اسەرىن تيگىزدى. كۇردەلى سىن-قاتەرلەرگە قاراماستان، قازاقستان ەكونوميكاسى سىرتقى جاعدايلارعا بەيىمدەلدى جانە تۇراقتى ءوسۋ جولىندا. اعىمداعى جىلدىڭ 10 ايىنىڭ قورىتىندىسى بويىنشا ەكونوميكانىڭ ءوسۋى 4،9%ء-تى قۇرادى. نەگىزگى سالالار بويىنشا وڭ ديناميكا قالىپتاسىپ وتىر. نەگىزگى كاپيتالعا سالىنعان ينۆەستيسيالار 12،6%-كە ۇلعايىپ، 13،3 ترلن تەڭگەنى قۇرادى»، - دەدى ول.
پرەمەر-مينيستر ينفلياسيا 10،8%-كە دەيىن باياۋلاۋىنا ۇكىمەت پەن ۇلتتىق بانكتىڭ ءىس-شارالارى ىقپال ەتكەنىن اتاپ ءوتتى.
«بيزنەستىڭ ماسەلەلەرى ۇكىمەتتە «اتامەكەن» پالاتاسىمەن بىرلەسە تۇراقتى تۇردە قارالىپ كەلەدى. شاعىن جانە ورتا بيزنەستىڭ جالپى ىشكى ونىمدەگى ۇلەسى 36،4%-كە دەيىن ۇلعايدى. وسى سەكتوردا جۇمىسپەن قامتىلعاندار سانى بيىل 14%-كە ءوسىپ 4،3 ملن ادامدى قۇرادى. بيزنەستى جۇرگىزۋ ءۇشىن قولايلى جاعداي جاساۋ باعىتىندا جۇيەلى ءىس-شارالار قابىلدانۋدا. ماسەلەن، بيزنەسكە قويىلاتىن ارتىق تالاپتاردى قىسقارتۋ ءۇشىن جاڭا رەتتەۋشى ساياسات ىسكە اسىرىلۋدا. ءقازىردىڭ وزىندە 9 مىڭ ارتىق تالاپ قىسقارتىلدى. جىل سوڭىنا دەيىن تاعى 1 مىڭىن قىسقارتامىز»، - دەدى ۇكىمەت باسشىسى.