فورۋمدا وزبەكستان تۋريزم ءمينيسترىنىڭ كەڭەسشىسى لولا راحمانبايەۆا ءسوز سويلەدى. ونىڭ ايتۋىنشا، تۇركى مەملەكەتتەرىنىڭ ورتاق اقپاراتتىق الاڭعا يە بولۋى ۋاقىت تالابى جانە بولاشاقتاعى ەڭ ماڭىزدى قادامداردىڭ بىرىنە اينالىپ وتىر. سپيكەر بۇل باستامانىڭ ماڭىزىن ايتا وتىرىپ.
"بۇعان قول جەتكىزۋ ءۇشىن، البەتتە، ءبىرىڭعاي اقپاراتتىق ارنانىڭ قالىپتاسۋى قاجەت. ياعني تۇركى مەملەكەتتەرىنىڭ ورتاق اقپاراتتىق ءۇنى بولاشاقتا پايدا بولادى. بۇل ءۇشىن ءبىز وسى باعىتتا بىرلەسە ارەكەت ەتۋىمىز كەرەك،" دەدى.
لولا راحمانبايەۆانىڭ سوزىنشە، تۇركى ەلدەرى الەمگە تانىلۋ جولىندا بىرىككەن اقپاراتتىق ستراتەگيانى قالىپتاستىرۋعا ءتيىس.
"بۇگىندە بىزدەردىڭ ورتاق الەمدىك ورتالىقتاردا PR قۇرالدارىن مەڭگەرۋ، اقپاراتتىق تەحنولوگيالاردى يگەرۋ، ءوزىمىزدىڭ مادەني جانە تۋريستىك الەۋەتىمىزدى ساپالى تانىستىرا ءبىلۋ - ورتاق مىندەت. بۇل باعىتتا مەديادا قىزمەت ەتىپ جۇرگەن جۋرناليستەردىڭ ەڭبەگى ەرەكشە. ولار بىزگە جاقىن سەرىكتەس رەتىندە ماڭىزدى ءرول اتقارىپ كەلەدى،" دەدى ول.
سپيكەردىڭ ايتۋىنشا، نەگىزگى ماقسات- تۇركى ەلدەرىنىڭ اقپاراتتىق بايلانىسىن نىعايتۋ، كوممۋنيكاسيانى ءبىر ارناعا ءتۇسىرۋ. "ياعني بارلىق مەملەكەتتەر ءبىر ورتالىققا توعىسىپ، سول جەردەن الەمدىك اقپاراتتىق كەڭىستىككە ەركىن ەنۋى كەرەك. بۇل بىر-بىرىمىزبەن اقپارات الماسۋدى جەڭىلدەتەدى جانە ورتاق ءۇن قالىپتاستىرادى،" دەپ اتاپ ءوتتى ول.
لولا راحمانبايەۆا تۇركى مەملەكەتتەرىنىڭ حالىقارالىق تانىمدىلىعىن ارتتىرۋ باعىتىندا ناقتى ىستەر اتقارىلىپ جاتقانىن جەتكىزدى. "مەن قازاقستاندا دا، تۇركيادا دا، ءازىربايجاندا دا وسى باعىتتاعى ىلگەرىلەۋدى كورىپ ءجۇرمىن. تۇركى ەلدەرى قازاقستان، قىرعىزستان، ءازىربايجان،تۇركيا، تۇرىكمەنستان ءبارى ءوز مەملەكەتتەرىندە ءبىر-بىرىن تانىتۋ، اقپاراتتىق ىنتىماقتاستىق ورناتۋ جولىندا جۇيەلى جۇمىستار اتقارۋدا،"دەدى ول.
فورۋمدا ايتىلعان بۇل پىكىرلەر تۇركى الەمىنىڭ ورتاق اقپاراتتىق كەڭىستىك قالىپتاستىرۋدا الەۋەتى جوعارى ەكەنىن كورسەتىپ، مەملەكەتتەردىڭ مادەني، تۋريستىك جانە ەكونوميكالىق بەدەلىن بىرلەسە ارتتىرۋعا باعىتتالعان جاڭا قادامداردىڭ باستاماسى بولاتىنىن ايقىن اڭعارتىپ وتىر.