مەملەكەت باسشىسىنىڭ جولداۋىندا كوپشىلىكتىڭ نازارىن اۋدارعان ماڭىزدى ماسەلەلەردىڭ ءبىرى — بەيبىت اتومدى پايدالانۋ.
بۇل ماسەلەگە كوپشىلىكتىڭ قىزىعۋشىلىق تانىتاتىنى بەلگىلى. سەبەبى، الداعى ۋاقىتتا ءوندىرىستىڭ ءوسۋى، دەموگرافيالىق جاعداي، حالىق سانىنىڭ ارتۋى سياقتى فاكتورلارعا بايلانىستى، مامانداردىڭ ايتۋىنشا، ەنەرگەتيكا سالاسىندا تاپشىلىق تۋىنداۋى مۇمكىن. وسى تۇرعىدا بىزگە اتوم ەلەكتر ستانسيالارىن سالۋ قاجەت بولۋى ىقتيمال. بىرىنشىدەن، بۇل ەكولوگيالىق جاعىنان ءقاۋىپسىز، ەكىنشىدەن، ەلەكتر قۋاتىن ارزان ءارى تۇراقتى تۇردە وندىرۋگە مۇمكىندىك بەرەدى.
پرەزيدەنت جولداۋىندا بۇل ماسەلەنى حالىقتىڭ تالقىسىنا سالۋ تۋرالى ايتتى. رەفەرەندۋم التىنشى قازاندا وتەدى، وندا اەس سالۋ كەرەك پە، جوق پا دەگەن سۇراقتى حالقىمىز شەشەدى. وسى رەفەرەندۋمدا ناقتى سۇراق قويىلىپ، "قاي ەلدەر اەس سالىپ جاتىر؟"، "قاي ەلدىڭ تاجىريبەسىن قولدايسىز؟" دەگەندەي ناقتى تالقىلاۋلار بولۋى كەرەك دەپ ويلايمىن.
جالپى، پرەزيدەنتتىڭ جولداۋىندا ەلدىڭ ومىرىنە قاتىستى كوپ كۇتكەن ماسەلەلەر مەن سۇراقتارعا جاۋاپتار بەرىلىپ جاتىر.