الماتىنىڭ «توميريس» ايەلدەر كومانداسى «Almaty aqshamy» مەن «ۆەچەرنيي الماتى» باسىلىمدارىنىڭ امباسسادورى اتاندى
الماتىنىڭ «توميريس» ايەلدەر كومانداسىنىڭ كاسىبي باسكەتبولشى قىزدارى جاقىن كۇندەرى سەربياعا اتتانىپ، حالىقارالىق ارەنادا قازاقستاننىڭ نامىسىن قورعايدى.
باسكەتبول - الەمدەگى ەڭ تانىمال كوماندالىق سپورت تۇرلەرىنىڭ ءبىرى ەكەنى ءسوزسىز. دۇنيەجۇزىنىڭ كىل مىقتىلارى جينالعان NBA جارىسىنىڭ فينالىن وتكەن جىلى 12 ميلليوننان استام ادام تاماشالاعان.
بۇل كورسەتكىش قالىڭ كوپشىلىك اراسىندا باسكەتبولعا دەگەن قىزىعۋشىلىقتىڭ جوعارى دەڭگەيىن بايقاتادى. ەلىمىزدە دە سارى-قىزىل دوپقا قىزىققاندار از ەمەس. ەر-جىگىتتەر اراسىنداعى كاسىبي جانە اۋەسقوي كوماندالار كوپ جىلداردان بەرى ىشكى بىرىنشىلىك پەن حالىقارالىق جارىستاردا ب ا ق سىناپ ءجۇر. ەندىگى كەزەكتە قىزدار اراسىنداعى كاسىبي باسكەتبولدى دامىتۋ ءۇشىن قازاقستاننىڭ ءار وڭىرىندە ارنايى ايەلدەرگە ارنالعان كوماندالار اشىلىپ جاتىر.
اتاپ ايتقاندا، وتكەن جىلى الماتى قالاسىندا قالالىق سپورت باسقارماسىنىڭ باستاماسىمەن باسكەتبول بويىنشا «توميريس» ايەلدەردىڭ كاسىبي كومانداسى قۇرىلدى. ءبىر جىل ىشىندە ايگىلى توميريس پاتشايىمنىڭ اتىن العان باسكەتبولشى قىزدار بەدەلدى جەڭىستەرگە جەتكەن. ونىڭ ىشىندە وتكەن ايدىڭ 13ء-شى جۇلدىزىندا استانا قالاسىندا وتكەن ىرىكتەۋ تۋرنيرىندەگى جەڭىستى ەرەكشە اتاپ وتۋگە بولادى. ىشكى ىرىكتەۋدە ۇزدىك بولعان الماتىلىق قىزدار جاقىن كۇندەرى سەربياعا اتتانىپ، حالىقارالىق ارەنادا قازاقستاننىڭ نامىسىن قورعايدى.
- بۇرىن «وتىرار» باسكەتبول كومانداسىنا قارايتىن «توميريس» باسكەتبول كومانداسى بولعان. الايدا بۇل جوبا ۇزاققا بارماي جابىلىپ قالدى. اراعا 20 جىل سالىپ 2022 جىلى الماتى قالاسىنىڭ اكىمدىگىنىڭ قولداۋىمەن «توميريس» كومانداسى قايتا جانداندى. وسى ۋاقىت ارالىعىندا قالامىزدا ايەلدەر باسكەتبولى مۇلدەم بولمادى دەۋگە بولمايدى. تەك قازىرگى تاڭدا سپورت اۋەسقويدان كاسىبي كەيىپكە اۋىستى. ءبىز كوماندا قۇرىلعان ساتتەن باستاپ، باسكەتبولدى دامىتۋدىڭ 2 باعىتىن تاڭدادىق: كلاسسيكالىق باسكەتبول – 5ح5 جانە 3ح3 فورماتى. قازىرگى تاڭدا كوماندا باسشىلىعى جاس سپورتشىلاردى قولداۋعا اسا ءمان بەرەدى. باسكەتبولشى قىزدارىمىزدىڭ ورتا جاسى 16-19 جاس دەۋگە بولادى. دەگەنمەن قاتارىمىزدا تاجىريبەلى سپورتشىلار دا جوق ەمەس. وسى ماۋسىمعا كوماندامىزعا سىرتتان 2 لەگيونەر قوسىلدى. سونداي-اق، حالىقارالىق جارىستاردان تاجىريبەسى بار باسكەتبولشىمىز – ەليزابەتا ميتينانى ساپىمىزدا ساقتاپ قالدىق، – دەدى «توميريس» كاسىبي باسكەتبول كلۋبىنىڭ ديرەكتورى بالاۋسا الپىسبايەۆا.
كلاسسيكالىق باسكەتبولدان 2022/2023 ماۋسىمىنىڭ ناتيجەسى بويىنشا الماتىلىق قىزدار پلەي-وفف كەزەڭىنە دەيىن جەتكەن. ودان بولەك كوماندا جەتىستىكتەرىنىڭ قاتارىندا 18 جاستان اسقان باسكەتبولشىلار اراسىنداعى 3ح3 جارىستان ق ر كۋبوگىنىڭ قولا جۇلدەسى، 18 جاسقا دەيىنگى 3ح3 جارىستان ق ر كۋبوگىنىڭ كۇمىس جۇلدەسى جانە 3ح3 فورماتى بويىنشا ق ر بىرىنشىلىگىنىڭ چەمپيوندىعى، سونىمەن قاتار ىشكى ىرىكتەۋ ءتۋرنيرىنىڭ جەڭىسى بار. كلۋب ديرەكتورىنىڭ ايتۋىنشا، الماتىلىق كوماندا 3ح3 باسكەتبول جارىسىندا رەسپۋبليكا بويىنشا كوش باستاپ تۇر.
- كوپتەگەن جىلدار بويى جۇمىس ىستەپ كەلە جاتقان باسكەتبول كلۋبتاردا قالىپتاسقان جۇيە بار. ولار دارىندى بالالارعا ارنالعان مەكتەپ-ينتەرناتتارىمەن تىعىز بايلانىس ورناتقان. سپورت مەكتەپتەرىنىڭ باسكەتبول بولىمىندەگى ەر بالالار ارى قاراي قايدا، قالاي باراتىنىن ناقتى بىلەدى. ءبىراق ءبىراز ۋاقىت بويى باسكەتبولشى قىزداردا مۇنداي مۇمكىندىك بولمادى. سوندىقتان ءبىز قىزدار ءۇشىن ناقتى قۇرىلىم قالىپتاستىرۋعا تىرىسىپ جاتىرمىز. بۇگىنگى كۇنى كوماندامىزدى كۇشەيتۋ ءۇشىن وزگە قالالاردىڭ جانە شەتەلدىڭ باسكەتبولشىلارىنا نازار اۋدارىپ وتىرعانىمىز جاسىرىن ەمەس. مىسالى، تامىز ايىنداعى ىرىكتەۋ تۋرنيرىنە ءبىز تاميلا جاقىپوۆانى «يرتىش» كلۋبىنان ارنايى شاقىرتۋمەن الدىردىق. تاميلا وزگە قىزدارىمىزبەن بىرگە سەربيادا قازاقستان نامىسىن قورعاپ، جارىس اياقتالعان سوڭ، ءوز كلۋبىنا قايتىپ ورالادى. سونداي-اق، وسى ماۋسىمعا كوماندانىڭ باس باپكەرى رەتىندە ليتۆالىق جاتتىقتىرۋشى تاعايىندالدى. بولاشاقتا «توميريس» كومانداسىنىڭ اتىنان تولىقتاي الماتىدا تاربيەلەنگەن قىزدار ونەر كورسەتەدى دەپ ۇمىتتەنەمىز. جانە دە كوماندا قۇرامىندا ب ا ق سىناپ، سپورتتىق مانسابىن اياقتاعان باسكەتبولشى قىزداردى باپكەرلىككە شاقىرۋ دا جوسپاردا بار، – دەيدى بالاۋسا الپىسبايەۆا.
قازىرگى ساتتە «توميريس» كومانداسى تەك الماتى قالاسىنىڭ ەمەس، بارشا قازاقستان نامىسىن قورعاپ، سەربيادا وتەتىن حالىقارالىق جارىستان جەڭىسپەن ورالۋدى ماقسات ەتىپ وتىر. كوماندا ساپىندا التىنشاش زينابدين، ادەليا مۋستافينا، ەليزابەتا ميتينا جانە تاميلا جاقىپوۆا ونەر كورسەتەدى. ايتا كەتكەن ءجون، اتالمىش حالىقارالىق جارىستان باستاپ الماتىلىق باسكەتبولشى قىزدار «Alatau Aqparat» جشس-نىڭ اتىن شىعارىپ، «الماتى اقشامى» جانە «ۆەچەرنيي الماتى» باسىلىمدارىنا امباسسادور بولادى. وسى ورايدا، «توميريس» باسكەتبولشىلارى قوناقجاي «Alatau Aqparat» شاڭىراعىنا كەلىپ، باس ديرەكتور ەرجان قالىمباي ۇلىنىڭ قابىلداۋىندا بولدى. كەزدەسۋ بارىسىندا باسكەتبولشى قىزدارعا ارنايى سىيلىقتار تابىستالدى. ءوز كەزەگىندە ەرجان قالىمباي ۇلى «توميريس» كومانداسىنا الداعى جارىستاردا جەڭىس تىلەدى. «الماتى اقشامى» رەداكسياسى دا باسكەتبولشى قىزداردىڭ ەۋروپانىڭ تورىندە، بارشا الەمنىڭ الدىندا كوك تۋىمىزدى جەلبىرەتىپ، ءىرى جەڭىستەرگە جەتۋلەرىنە تىلەكتەس.
