جاڭا وقۋ جىلىمەن قاتار كەلگەن كۇزدىڭ العاشقى كۇنىندە پرەزيدەنت قاسىم-جومارت توقايەۆ حالىققا كەزەكتى جولداۋىن جولدادى.شىندىعىندا ەلىمىزگە تۇبەگەيلى ساياسي رەفورمالار مەن قاتار ناقتى وزگەرىستەر كەرەكتىگىن، سونىڭ العىشارتتارىنىڭ جۇزەگە اسا باستاعانىن بايقاۋعا بولادى.
بۇل جولداۋدى پرەزيدەنتىمىزدىڭ ساياسي رەفورما ارقىلى قوعامدى تۇبەگەيلى وزگەرتىپ، ساتىلى تۇردە جالعاستىرۋى دەپ قاراۋعا بولادى. جولداۋ «ادىلەتتى مەملەكەت. ءبىرتۇتاس ۇلت. بەرەكەلى قوعام» - دەپ اتالدى.
وندا: «ەلىمىزدىڭ باستى قۇندىلىعى – ادام. بۇل – ايقىن نارسە. سوندىقتان ۇلتتىق بايلىقتى تەڭ ءبولۋ جانە بارشاعا بىردەي مۇمكىندىك بەرۋ – رەفورمانىڭ باستى ماقساتى. ۇلت ساۋلىعى جاقسى بولسا عانا، قوعام ورنىقتى داميدى. دەنساۋلىق ساقتاۋ سالاسىندا ءبىراز رەفورما جۇرگىزىلدى. دەگەنمەن ونىڭ جاعدايى ءالى دە ءماز ەمەس. ارينە، جىلدار بويى قوردالانعان تۇيتكىلدەر ءبىر مەزەتتە شەشىلمەيدى. سوندىقتان ماڭىزدى ماسەلەلەردى رەتكە كەلتىرۋگە باسا ءمان بەرگەن ءجون» دەپ قاداپ ايتتى قاسىم-جومارت كەمەل ۇلى.
پرەزيدەنت قازاق جانە ورىس تىلدەرىن وقىتۋ ماسەلەسى بويىنشا كوپشىلىكتىڭ پىكىرتالاسىنا دا جاۋاپ بەردى.
«قوعامدا قازاق جانە ورىس ءتىلىن مەكتەپتە وقىتۋ ماسەلەسى بويىنشا پىكىرتالاس بولىپ جاتىر. ناقتى ايتايىن: ءبىز قازاق ءتىلىن دە، ورىس ءتىلىن دە جاقسى بىلەتىن بالالاردى تاربيەلەۋىمىز قاجەت. سەبەبى، بۇل ۇرپاقتىڭ مۇددەسى ءۇشىن كەرەك. وقۋ-اعارتۋ مينيسترلىگى پوپۋليستەردىڭ جەتەگىندە كەتپەي، بالالاردىڭ مۇددەسىن قورعاۋعا ءتيىس. ءبىلىمدى جانە بىرنەشە ءتىلدى مەڭگەرگەن ۇرپاق بولاشاققا سەنىممەن قادام باسادى. ءبىزدىڭ كۇشىمىز – جاستاردىڭ بىلىمىندە»، - دەدى پرەزيدەنت.
مەملەكەت باسشىسى سونىمەن قاتار جاھاندىق عىلىمي-تەحنيكالىق دامۋ بارىسىن ەسكەرىپ، جوعارى سىنىپتاردا جاراتىلىستانۋ-ماتەماتيكا پاندەرىن جانە اعىلشىن ءتىلىن وقىتۋدى بارىنشا كۇشەيتۋدىڭ ماڭىزدى ەكەنىن اتاپ ءوتتى.
پرەزيدەنتىمىزدىڭ بۇل كەزەكتى جولداۋىندا نىق قادام، باتىل شەشىمگە بەل بۋعان، ۇلكەن ويلار ايتىلدى. ماڭىزدى باستامالار قولعا الىنىپ، ەلدىڭ سەنىمىنە سەلكەۋ تۇسىرمەيتىن ناقتى ءىس-شارالاردىڭ تەزىرەك جۇزەگە اسۋىن كۇتەيىك. ءبىز كۇن تارتىبىنە قويعان ماڭىزدى شەشىمدەرگە قوسىلىپ قانا قويماي ونى ناقتى قولداۋعا ءتيىسپىز. وسىنىڭ ءبارى ەل كۇتكەن يگى ىستەرگە باستاۋ بولارى انىق. ەڭ باستىسى، ەكىنشى رەسپۋبليكانى قۇرۋداعى باستى باعدارىمىزدى انىقتايتىن ناقتى ىستەردىڭ كۋاسى بولايىق.