عىلىم سالاسى كەنجەلەپ قالدى. بۇگىنگى تاڭدا بۇل سالاعا كوپ كوڭىل بولىنۋدە. ونىڭ ايعاعى - بۇگىنگى مەملەكەت باسشىسىنىڭ قاتىسۋىمەن وتكەن عىلىم جانە تەحنولوگيالار جونىندەگى ۇلتتىق كەڭەستىڭ وتىرىسى. وسى شاراعا قاتىسقان ق ر پرەزيدەنتى جانىنداعى عىلىم جانە تەحنولوگيالار جونىندەگى ۇلتتىق كەڭەستىڭ مۇشەسى اقىلبەك كۇرىشبايەۆ ءوز ويىمەن ءبولىستى.
«مەن ويلايمىن بۇل كەڭەس - جاقسى تاجىريبيە. اقش-تا، سينگاپۋردا پرەزيدەنت جانىندا وسىنداي كەڭەستەر بار. وسى كەڭەستىڭ ارقاسىندا مەملەكەت باسشىسىنا تىكەلەي ۇسىنىسىمىزدى ايتاتىن بولامىز. عىلىم، بىلىمگە قاتىستى رەفورمالار بولسا، مەنىڭشە، بۇل سالا ءتيىستى دەڭگەيگە جەتەتىن بولادى»، - دەدى قازاق ۇلتتىق اگرارلىق زەرتتەۋ ۋنيۆەرسيتەتىنىڭ باسقارما ءتوراعاسى – رەكتورى اقىلبەك كۇرىشبايەۆ.
مەملەكەت باسشىسى عىلىم سالاسى ماماندارىنا ارنايى تاپسىرمالار بەرىپ، عىلىم سالاسىنا وزگەرىس جاساۋ كەرەكتىگىن ايتتى.
«بىزدە وزگەرىس دەۋگە بولادى. عىلىمدا وزىندىك پريوريتەتتىك باعىتتارى بولادى. اگرارلىق عىلىمدا. سونى دامىتۋىمىز كەرەك. بۇگىن مەملەكەت باسشىسى ناقتى تاپسىرمالاردى قويدى، - دەيدى ا.كۇرىشبايەۆ.