قازاقستاننىڭ قارجى مونيتورينگى اگەنتتىگى "BizBirgemiz" جوباسىنىڭ قۇرىلتايشىسى پەريزات قايراتتى كوكتەمگى سۋ تاسقىنىنان زارداپ شەككەندەرگە جينالعان 1،5 ميللياردتان استام تەڭگەنى جىمقىردى دەپ ايىپتاپ، تەرگەۋ جۇرگىزىپ جاتىر، دەپ حابارلايدى aqshamnews.kz.
قاراجات قىمبات كولىكتەر، ەليتالىق پاتەرلەر مەن شەتەلدە دەمالىسقا جۇمسالعان.
«اعىمداعى جىلدىڭ كوكتەمىندە ول ەلورداداعى اۆتوسالونداردان Mercedes-Benz S450 (88 ملن تەڭگەگە)، Lexus LX-600 (80 ملن تەڭگەگە) جانە Haval (39 ملن تەڭگەگە) سياقتى پرەميۋم-كلاسس كولىكتەرىن ساتىپ العان. سول كەزەڭدە استاناداعى Akbulak Riviera، Highvill Ishim Gold، «كوك جايلاۋ» تۇرعىن ءۇي كەشەندەرىنەن (پاركينگ ورىندارىن قوسا العاندا)، سونداي-اق Vela Village كوتتەدج قالاشىعىنان 600 ملن تەڭگەگە ەليتالىق جىلجىمايتىن مۇلىك ساتىپ الدى. سونىمەن قاتار، قازاقستاننىڭ بەيجاي قارامايتىن ازاماتتارىنىڭ قايىرىمدىلىق قاراجاتتارى ەسەبىنەن پەريزات ك. بىرنەشە رەت دۋباي، دوحا، لوندون جانە ىستامبۇل قالالارىنا دەمالۋعا شىعىپ، St. Regis، Shangri-La، Palazzo Versace جانە Kempinski سياقتى بەس جۇلدىزدى قوناق ۇيلەردە تۇرعان. وسى ەلدەردە ول Cartier جانە Louis Vuitton برەندتەرىنىڭ قىمبات اشەكەيلەرى مەن اكسەسسۋارلارىن ساتىپ الىپ، قىمبات مەيرامحانالارعا بارىپ، ياحتادا تەڭىز سەرۋەندەرىن ۇيىمداستىرعان»، – دەلىنگەن حابارلامادا.
الاياقتىق ارەكەتتەرى دالەلدەنسە، بۇل جاعداي قايىرىمدىلىققا دەگەن سەنىمگە زيان كەلتىرۋى مۇمكىن.