باتىس قازاقستان وبلىسىندا پوليسەيلەر ءوزىن جابىرلەنۋشىلەردىڭ بالاسى رەتىندە تانىستىرىپ، الاياقتىقپەن اينالىسقان توپتى ۇستادى، دەپ حابارلايدى aqshamnews.kz
Polisia.kz مالىمەتىنشە، كۇدىكتىلەردىڭ ءبىرى WhatsApp قوسىمشاسىندا پەداگوگتەر ءىس-شاراسىن ۇيىمداستىرۋعا ارنالعان جالپى چاتقا كىرىپ، چات مازمۇنىن زەرتتەگەن سوڭ، ونداعى ادامدارعا جەكە حابارلاما جىبەرگەن. كۇدىكتى ءوزىن چاتتاعى ءبىر قاتىسۋشىنىڭ بالاسى رەتىندە تانىستىرىپ، تەلەفونىنىڭ ءسونىپ قالعانىن ايتىپ، اقشا اۋدارۋدى سۇراعان.
ونىڭ سوزىنە سەنگەن ادامدار بانك كارتالارىنىڭ دەرەكتەرى مەن CVV-كودتارىن بەرگەن. بۇدان كەيىن الاياقتار وسى دەرەكتەردى پايدالانىپ، قاراجاتتى قولما-قول اقشاعا اينالدىرعان. پوليسيا 17 الاياقتىق فاكتى بويىنشا تەرگەۋ جۇرگىزۋدە، كەلتىرىلگەن زالال شامامەن 10 ميلليون تەڭگەنى قۇرايدى.