پرەزيدەنت قاسىم-جومارت توقايەۆ تۇركى مەملەكەتتەرى ۇيىمىنىڭ XII سامميتىندە كيبەرقاۋىپسىزدىك جونىندە كەڭەس قۇرۋدى ۇسىندى، دەپ حابارلايدى اqshamnews.kz ءتىلشسى اقوردانىڭ مالىمەتىنە سىلتەمە جاساپ.
مەملەكەت باسشىسى ازياداعى ءوزارا ءىس-قيمىل جانە سەنىم شارالارى جونىندەگى كەڭەستىڭ (اوسشك) تۇركى كەڭىستىگىندەگى تۇراقتىلىق، قاۋىپسىزدىك جانە بەيبىتشىلىكتى نىعايتۋداعى بىرەگەي ءرولى مەن الەۋەتىن جوعارى باعالادى.
"كەڭەستى تولىققاندى حالىقارالىق ۇيىمعا اينالدىرۋ ۇدەرىسىنە قولداۋ كورسەتكەن ازەربايجان تاراپىنا، سونداي-اق بارشا تۇركى مەملەكەتتەرىنە شىنايى ريزاشىلىعىمدى بىلدىرەمىن. تۇركى ەلدەرىنىڭ قاۋىپسىزدىكتى نىعايتۋ جانە سىن-قاتەرلەرگە، سونىڭ ىشىندە تەرروريزمگە قارسى تۇرۋ جولىنداعى ماقسات-مۇددەسى – ورتاق، سوندىقتان وسى باعىتتاعى ىقپالداستىعىمىز تابىستى جۇزەگە اسۋدا. ءبارىمىز جاھاندىق قاۋىپسىزدىكتى ساقتاۋ جولىنداعى باستامالاردى قولداپ كەلەمىز. ءبىراق ءبىز مۇنىمەن شەكتەلىپ قالماۋىمىز كەرەك"، – دەدى مەملەكەت باسشىسى.
قاسىم-جومارت توقايەۆ كوپتەگەن ەلدەردىڭ شەكاراعا باعىنبايتىن جاڭا قاتەرمەن بەتپە-بەت كەلىپ وتىرعانىن العا تارتىپ، ۇيىم اياسىندا كيبەرقاۋىپسىزدىك كەڭەسىن قۇرۋدى ۇسىندى.
"بۇل كەڭەس مەملەكەتتەرىمىزدىڭ ءىس-قيمىلىن ۇيلەستىرىپ، كۇش جۇمىلدىرۋعا جاعداي جاسايدى. سونىمەن قاتار سيفرلىق قاۋىپسىزدىك پەن تەحنولوگيالىق بايلانىستى بەكەمدەي تۇسەدى. بيىل قىركۇيەكتە وسى تاقىرىپ بويىنشا الماتىدا وتكەن كونفەرەنسيا ناتيجەلەرى كيبەرقاۋىپسىزدىك سالاسىنداعى ىقپالداستىقتى كۇشەيتۋ اسا ماڭىزدى ەكەنىن تاعى دا راستادى"، – دەدى پرەزيدەنت.