الماتى قالاسىنىڭ ەكولوگيا جانە قورشاعان ورتا باسقارماسى قالا اۋماعىندا كۇزگى ماۋسىمدىق جۇمىستار باستالعانىن مالىمدەدى، - دەپ حابارلايدى اqshamnews.kz ءتىلشسى.
ءقازىر ءبىرجىلدىق گۇلدەردى — تاگەتيس، سينەراريا، بەگونيا جانە پەتۋنيانى جيناۋ جۇرگىزىلىپ جاتىر.
ءقازىر ءبىرجىلدىق گۇلدەردىڭ گۇلدەۋ كەزەڭى اياقتالىپ، ساندىك كەلبەتى سولعىن تارتقان، قىستىڭ سۋىعىنا توتەپ بەرە المايدى. ولاردىڭ ورنىنا گۇلزارلارعا قىزعالداق پيازشىقتارى وتىرعىزىلىپ، كوكتەمدە قالا كوشەلەرىن ءتۇرلى-تۇستى اسەم گۇلدەرىمەن كومكەرمەك.
كوپجىلدىق وسىمدىكتەردى دە قىسقى كەزەڭگە دايىنداۋ جۇمىستارى ءجۇرىپ جاتىر: وسىمدىكتىڭ جەر بەتىنە شىعىپ تۇرعان ساباعى كەسىلىپ، قىستان امان شىعۋى ءۇشىن توپىراقپەن جابىلىپ، كۇتىم جاسالىپ جاتىر.
2025 جىلى الماتى قالاسىندا ساندىك-گۇلدى كوگالداندىرۋ اۋماعى 219 639 شارشى مەترگە جەتپەك. ونىڭ ىشىندە 77 386 شارشى مەترى (36%) — ءبىرجىلدىق گۇلدەر، ال 142 253 شارشى مەترى (64%) — كوپجىلدىق وسىمدىكتەر، سونىڭ ىشىندە وتكەن جىلدارى ەگىلگەن تۇرلەرى بار.