2029 جىلعا قاراي ەنەرگيانى تۇتىنۋعا جانە ەنەرگيا شىعىنىنا بايلانىستى نەگىزگى كورسەتكىشتەر كەمىندە 15 پايىزعا ازايۋعا ءتيىس. مۇنى پرەزيدەنت قاسىم-جومارت توقايەۆ «ادىلەتتى قازاقستاننىڭ ەكونوميكالىق باعدارى» اتتى قازاقستان حالقىنا جولداۋىندا ايتتى
«ۇكىمەت ەنەرگەتيكالىق تيىمدىلىك ساياساتىن تۇبەگەيلى قايتا قاراۋعا ءتيىس. وندا ەكونوميكالىق ىنتىماقتاستىق جانە دامۋ ۇيىمىنىڭ ستاندارتتارى ەسكەرىلۋى كەرەك. ەنەرگەتيكانى ءتيىمدى پايدالانۋعا جانە باسقا دا رەسۋرستاردى ۇنەمدەۋگە قاتىستى ناقتى نورماتيۆتىك تالاپتاردى بىرتىندەپ ەنگىزۋ قاجەت. 2029 جىلعا قاراي ەنەرگيانى تۇتىنۋعا جانە ەنەرگيا شىعىنىنا بايلانىستى نەگىزگى كورسەتكىشتەر كەمىندە 15 پايىزعا ازايۋعا ءتيىس. ءبىز «جاسىل» ەكونوميكانى دامىتۋ ماسەلەسىمەن مىقتاپ اينالىسۋىمىز كەرەك. بولاشاقتا بۇكىل الەم تازا ەنەرگەتيكاعا كوشەتىنى ءسوزسىز»، - دەپ تاپسىرما جۇكتەدى پرەزيدەنت.
مەملەكەت باسشىسى ەلەكتر قۋاتى، جىلۋ جانە سۋ تۇرمىسقا اسا قاجەتتى يگىلىكتەر ەكەنىن ايتا كەلە، ونى ۇنەمدەپ پايدالانۋعا شاقىردى.