مەيىرجان وتىنشييەۆ، Nur Otan پارتياسىنىڭ الماتى قالالىق فيليالى ءتوراعاسىنىڭ ءبىرىنشى ورىنباسارى
بۇگىندە ءبىزدىڭ الماتى بىرتىندەپ قالىپتى ومىرگە قايتا ورالۋدا: زارداپ شەككەن عيماراتتاردى جوندەۋ جانە قالپىنا كەلتىرۋ جۇمىستارى تولىق قارقىنمەن ءجۇرىپ جاتىر، سپورت، مادەنيەت جانە ونەر مەكەمەلەرى، سونداي-اق الماتىنىڭ بارلىق 860 مەكتەپكە دەيىنگى ۇيىمدارى جۇمىس ىستەي باستادى. قالانىڭ 5 اۋدانىندا دەمالىس كۇنىندەگى ازىق-تۇلىك جارمەڭكەلەرى قايتا جانداندى، 1773 الماتىلىق ءۇي جانىنداعى دۇكەندەردە ءبىرقاتار الەۋمەتتىك ماڭىزى بار تاۋارلاردىڭ باعاسى تومەندەدى. سونداي-اق قىزمەت كورسەتۋ سالاسىنىڭ 7700 وبەكتىسى ءوز قىزمەتىن جالعاستىردى.
وتكەن توتەنشە جاعداي كەزىندە پارتيانىڭ الماتى قالالىق فيليالىنىڭ قوعامدىق قابىلداۋ بولمەلەرى بارىنشا اشىق جانە ناتيجەلى جۇمىس جۇرگىزدى. بۇگىنگى كۇنى قالالىقتاردان 814 ءوتىنىش كەلىپ ءتۇستى، ولاردىڭ 712ء-سى وڭ شەشىمىن تاپتى. Nur Otan پارتياسىنىڭ دەپۋتاتتارى جانە مەملەكەتتىك مەكەمەلەردىڭ باسشىلارى ونلاين رەجيمىندە 136 ءوتىنىش بەرۋشىنى قامتي وتىرىپ، 26 قابىلداۋ وتكىزدى.
بۇدان بولەك، الماتىدا Nur Otan پارتياسى قالالىق فيليالى اكتيۆىنىڭ بارلىق كۇشتەرى جۇمىلدىرىلىپ، 16 مىڭنان استام مۇقتاج ازاماتتاردى قامتي وتىرىپ، 158 ملن تەڭگەگە ءتۇرلى كومەك كورسەتىلدى. ماسەلەن، ءماسليحاتتاعى Nur Otan دەپۋتاتتىق فراكسياسىنىڭ مۇشەلەرى باسقا فراكسيالارمەن بىرلەسىپ، جالپى سوماسى 35 ملن تەڭگەگە 21 توننا ازىق-تۇلىك جيناقتادى.
دەپۋتاتتاردىڭ، پرايمەريزگە قاتىسۋشىلاردىڭ، پارتيا بەلسەندىلەرىنىڭ قولداۋىمەن تج كەزەڭىنە تارتىلعان اسكەري قىزمەتشىلەر مەن قۇقىق قورعاۋ ورگاندارىنىڭ قىزمەتكەرلەرى كۇن سايىن ىستىق تاماقپەن قامتاماسىز ەتىلدى. وسى كەزەڭدە وقۋ ورىندارىنىڭ جاتاقحانالارىندا بولعان 2 مىڭعا جۋىق ستۋدەنت، سونداي-اق قالا كوشەلەرىن قيراتۋدان ۇزدىكسىز تازالاعان كوممۋنالدىق قىزمەت جۇمىسكەرلەرى تاماقپەن جانە سۋسىندارمەن قامتاماسىز ەتىلدى.
بۇل رەتتە Nur Otan پارتياسى ءارقاشان حالىقپەن بولعان جانە بىرگە بولاتىنىن سەنىممەن ايتقىم كەلەدى! سوندىقتان، ساياسي كەڭەستىڭ بۇگىنگى وتىرىسىندا ءبىز مەملەكەت باسشىسىنىڭ 11 قاڭتارداعى حالىققا جولداۋىندا ايتىلعان ساياسي جانە الەۋمەتتىك-ەكونوميكالىق سالالارداعى وزەكتى ماسەلەلەردى شەشۋگە ازىرلىكتى تاعى دا تالقىلادىق. سونداي-اق، اشىق داۋىس بەرۋ ارقىلى "نۇروتاندىقتار" پارتيانىڭ كەزەكتەن تىس XXI سەزىنە دەلەگات رەتىندە الماتىدان 28 پارتيا مۇشەسىن ءبىراۋىزدان تاڭدادى.