ونىڭ وكىلەتتىگى مەرزىمىنەن بۇرىن توقتاتىلدى.
«قازاقستاننىڭ دامۋ بانكى» اكسيونەرلەرىنىڭ شەشىمىمەن اباي سارقۇلوۆتىڭ قىزمەتىنەن كەتتى، دەپ حابارلايدى Almaty-akshamy.kz.
«جالعىز اكسيونەردىڭ («بايتەرەك» ۇبح» اق) 24.01.2022 جىلعى شەشىمىمەن اباي سارقۇلوۆتىڭ «قازاقستاننىڭ دامۋ بانكى» اق (بۇدان ءارى – قدب، بانك) باسقارما ءتوراعاسى جانە ديرەكتورلار كەڭەسىنىڭ مۇشەسى رەتىندەگى وكىلەتتىگى مەرزىمىنەن بۇرىن توقتاتىلدى. 25.01.2022 جىلدان باستاپ قدب باسشىسىنىڭ مىندەتىن اتقارۋشى بولىپ بۇعان دەيىن بانك باسقارماسى ءتوراعاسىنىڭ ورىنباسارى قىزمەتىن اتقارعان ساندۋعاش كەنجەبايەۆا تاعايىندالدى»، - دەلىنگەن اتالمىش بانك باسپا ءسوز قىزمەتىنىڭ حابارلاماسىندا.
اباي سارقۇلوۆ 1981 جىلى 13 تامىزدا اقتوبە وبلىسىندا دۇنيەگە كەلگەن. 2003 جىلى ق.جۇبانوۆ اتىنداعى اقتوبە مەملەكەتتىك ۋنيۆەرسيتەتىنىڭ ەكونوميكا فاكۋلتەتىن «بانك ءىسى» ماماندىعى بويىنشا ۇزدىك بىتىرگەن.
اباي سارقۇلوۆ بانكتەگى ءوزىنىڭ ەڭبەك قىزمەتىن 2007 جىلعى ناۋرىزدا ينفراقۇرىلىمدىق جوبالاردى كرەديتتەۋ باسقارماسىنىڭ مەنەدجەرىنەن باستاپ باسقارما ءتوراعاسىنىڭ ورىنباسارىنا دەيىنگى جولدان ءوتتى. 2017 جىلعى اقپان-2019 جىلعى ءساۋىر ارالىعىندا اباي سارقۇلوۆ «دامۋ» كاسىپكەرلىكتى دامىتۋ قورى» اق اتقارۋشى ورگانىن باسقاردى. اباي سارقۇلوۆ 2019 جىلعى ساۋىردە قدب باسقارماسىنىڭ ءتوراعاسى رەتىندە تاعايىندالىپ، بۇل لاۋازىمدا ول بولات جامىشيەۆتىڭ ورنىن اۋىستىردى.