بىردەن بىرنەشە عارىش وبەكتىلەرى پلانەتامىزعا جاقىن ۇشادى.
اتموسفەراعا ەنگەن كەزدە كومەتالاردىڭ ۇساق بولشەكتەرى جانىپ، ەرەكشە ءىز قالدىرادى، دەپ حابارلايدى aqshamnews.kz
قازاقستاندىقتار 11-13 تامىز ارالىعىندا جۇلدىزدار اعىنىن تاماشالاي الادى.
تەك جازدا بولاتىن پەرسەيدا مەتەورلار جاۋىنىن جەردىڭ سولتۇستىك جارتى شارىنىڭ تۇرعىندارى بايقاي الادى. جۇلدىزدار اعىنى 12 تامىزعا قاراعان ءتۇنى وتە كوپ بولادى. ءدال وسى كەزەڭدە جارقىراعان مەتەورلاردىڭ سانى 150-گە جەتۋى مۇمكىن. اسپاننىڭ بۇل قۇبىلىسىن ءوز كوزىڭىزبەن كورۋ ءۇشىن استروفيزيكتەر قالا شامدارىنان الىس جەردە بولۋدى ۇسىندى.
استروفيزيك ۆيكتور تەيفەلدىڭ سوزىنشە، بۇل ۋاقىتتا ادامدار جارىقسىز جەردە بولۋى كەرەك. بارىنشا قالادان الىس جەرگە نەمەسە قالانىڭ جارىقتاندىرىلماعان ايماعىنا بارعانى ءجون. ويتكەنى شامدار مەن تەرەزەلەردىڭ جارىعى مەتەورلاردى كورۋگە كەدەرگى كەلتىرەدى دەيدى