الماتىدا ءوتىپ جاتقان رەفەرەندۋمدا ەلىنىڭ ەرتەڭىنە الاڭداعان قازىنالى قارتتارىمىز بەلسەندىلىك تانىتۋدا. سولاردىڭ ءبىرى – قازۇۋ پروفەسسورى، 91 جاستاعى كەڭەس بيەكەنوۆ اتامىز دا ساياسي ناۋقانعا قاتىسىپ، ءوز تاڭداۋىن جاساپ، داۋىس بەردى.
– بۇگىن ءبىز ماڭىزدى مىندەتتەردى جۇزەگە اسىرىپ، مەملەكەتتىڭ تۇراقتى دامۋىن قامتاماسىز ەتەدى دەگەن ۇمىتپەن ءوز تاڭداۋىمىزدى جاساپ جاتىرمىز. بۇل قادام ءاربىر ازاماتتىڭ ەل بولاشاعىنا دەگەن جاۋاپكەرشىلىگىن كورسەتەدى. ەل يگىلىگى جولىنداعى ورتاق جۇمىسىمىز ءساتتى بولعاي! – دەيدى كەڭەس اتا.
كەڭەس بيەكەنوۆ ءومىر بويى ءبىلىم سالاسىندا قىزمەت ەتىپ، تالاي شاكىرت تاربيەلەگەن. ەلگە دەگەن ادالدىعى مەن جاۋاپكەرشىلىگىن بۇگىنگى تاڭدا دا دالەلدەپ وتىر. ول بۇگىنگى رەفەرەندۋمنىڭ ەل بولاشاعى ءۇشىن ماڭىزى زور ەكەنىن اتاپ ءوتىپ، بارشا قازاقستاندىقتاردى بەلسەندىلىككە شاقىردى.
– ءبىز بولاشاق ۇرپاقتىڭ باقىتى ءۇشىن داۋىس بەرۋدەمىز. ءاربىر داۋىستىڭ ماڭىزى بار، سوندىقتان بارلىق ازامات ءوز تاڭداۋىن جاساۋعا مىندەتتى. مەملەكەتىمىزدىڭ بولاشاعى ءبىزدىڭ بۇگىنگى قادامىمىزعا بايلانىستى، – دەپ ءسوزىن تۇيىندەدى كەڭەس اتا.
الماتى قالاسىندا ءوتىپ جاتقان بۇل ساياسي ناۋقانعا ءتۇرلى جاستاعى تۇرعىندار بەلسەندى قاتىسىپ، ءوز ازاماتتىق بورىشتارىن ورىنداۋدا. ەلىمىزدىڭ دامۋى مەن تۇراقتىلىعى ءۇشىن ءاربىر قازاقستاندىقتىڭ ۇلەس قوسۋى ماڭىزدى، جانە بۇل كۇنى قالا تۇرعىندارى وسى جاۋاپكەرشىلىكتى سەزىنىپ، ءوز تاڭداۋىن جاساۋعا اسىعۋدا.