ەلدە شومىلۋ ماۋسىمى اياقتالدى.
ەلىمىزدە سۋعا ءتۇسۋ ماۋسىمى رەسمي تۇردە1 ماۋسىمنان 31 تامىزعا دەيىن سوزىلادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
توتەنشە جاعدايلار مينيسترلىگىنىڭ مالىمەتىنشە، جاز مەزگىلىندە ۆەدومستۆونىڭ قۇتقارۋشىلارى سۋدان 136 ادامدى قۇتقاردى، ونىڭ 51ء-ى – بالالار. 177 ادام سۋعا باتىپ كەتتى، ونىڭ ىشىندە 53ء-ى – كامەلەتكە تولماعاندار. وتكەن 2022 جىلعى شومىلۋ ماۋسىمىندا سۋ ايدىندارىندا 184 ادام كوز جۇمسا، (-4%)، سونىڭ ىشىندە 62ء-سى – كامەلەتكە تولماعاندار (-15%).
«سۋعا باتقانداردىڭ 98 پايىزى جابدىقتالماعان جاعاجايلاردا شومىلعان. سۋداعى ءولىمنىڭ نەگىزگى سەبەپتەرى – ءوز كۇشتەرىن اسىرا باعالاۋ، ماس كۇيدە شومىلۋ، جۇزە الماۋ. ال بالالاردىڭ سۋعا كەتۋىنىڭ باستى سەبەبى – ەرەسەكتەردىڭ ولاردى قاراۋسىز قالدىرۋى»، - دەيدى تجم رەسمي وكىلى جاننا داۋرەنبەكوۆا.
ايتا كەتەيىك، جالپى رەسپۋبليكا بويىنشا شومىلۋعا رۇقسات ەتىلگەن 612 ورىن بار. 4285 ورىن سۋعا تۇسۋگە ءقاۋىپتى دەپ تانىلىپ، دەمالىسقا تىيىم سالىنعان ورىندار تىزىمىنە ەنگىزىلگەن.
تىيىم سالىنعان جانە رۇقسات ەتىلگەن شومىلۋ ايماقتارى تۋرالى دەرەكتەر 2GIS پلاتفورماسىندا ورنالاستىرىلعان.