مامانداردىڭ بولجاۋىنشا، جەل سوعاتىن جاڭبىرلى كۇندەر دە، جىلى كۇندەر دە بار.
«قازگيدرومەت» رمك قازاقستاندا كۇزدىڭ قانداي بولاتىنىن ايتتى، دەپ حابارلايدى Almaty-akshamy.kz.
كۇزدىڭ العاشقى ەكى ايىندا رەسپۋبليكانىڭ باسىم بولىگىندە اۋا تەمپەراتۋراسى نورمادان 1-2° جوعارى بولادى دەپ بولجاندى.
قاراشادا رەسپۋبليكانىڭ باسىم بولىگىندە جىلى بولادى. تەك باتىس قازاقستان، اتىراۋ، سولتۇستىك قازاقستاننىڭ باسىم بولىگىندە، اقتوبەنىڭ سولتۇستىك-باتىسىندا، قوستانايدا، پاۆلودار وبلىسىنىڭ سولتۇستىك جارتىسىندا نورماعا جاقىن بولادى.
قىركۇيەك جانە قازان ايلارىندا جاۋىن-شاشىن قازاقستاننىڭ باسىم بولىگىندە نورمادان از بولادى. دەمەك قۇرعاق بولادى. قاراشا ايىندا رەسپۋبليكانىڭ باسىم بولىگىندە جاۋىن-شاشىن كليماتتىق نورماعا جاقىن بولادى.