الماتىدا ۆەلوسيپەد ۇرلاعان ادام ۇستالدى

ول وسىعان ۇقساس 8 ۇرلىق جاساعانىن مويىندادى.

الماتىدا 10 شاقتى ۆەلوسيپەد ۇرلاعان جامبىلدىق ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.

ۇستالعان 27 جاستاعى جامبىل وبلىسىنىڭ تۇرعىنى وسىعان ۇقساس 8 ۇرلىق جاساعانىن مويىندادى.

«بۇل ەپيزودتار ءبىر وندىرىسكە بىرىكتىرىلىپ، قىلمىستىق ءىس تەرگەلۋدە. قاسكوي قىسقا مەرزىمدە بىرنەشە رەت ۆەلوسيپەد ۇرلاعان. ۇستاۋ شاراسىن ءبىزدىڭ بولىمشەنىڭ كريمينالدىق پوليسيا قىزمەتكەرلەرى جۇرگىزدى. نەگىزىنەن ۇرلىق كوپ قاباتتى تۇرعىن ۇيلەردىڭ جانە تۇرعىن ءۇي كەشەندەرىنىڭ كىرەبەرىستەرىندە ورىن العان. كۇدىكتى كىرەبەرىستەرگە كىرىپ، ەكى دوڭگەلەكتى كولىك قۇرالدارىن ۇرلاعان. ودان كەيىن ۇرلانعان ۆەلوسيپەدتەردى ارزان باعاعا ساتىپ جىبەرگەن»، –  دەدى بوستاندىق اۋداندىق پوليسيا باسقارماسىنىڭ باستىعى دۋمان اۋحادييەۆ.

قازىرگى ۋاقىتتا ۇستالعان ازاماتتىڭ وسىعان ۇقساس اشىلماعان قىلمىستارعا قاتىسى بار-جوعىن تەكسەرۋ جۇمىستارى جۇرگىزىلۋدە. پوليسيا قىزمەتكەرلەرى ازاماتتاردى ۇستالعان ادامنىڭ سۋرەتىنە مۇقيات قاراۋعا شاقىرادى. تانىعان ادامدار مىنا تەلەفون نومىرلەرىنە حابارلاسۋلارى قاجەت: 254-47-02؛ 254-47-04؛ 254-47-41.