قازاقستاندىق تاۋ ءتۋريزمى مەن سپورتتى ناسيحاتتاۋعا ارنالعان حالىقارالىق Almaty Mount Fest فەستيۆالى الماتىدا ءتورتىنشى مارتە 2-5 قىركۇيەك ارالىعىندا وتەدى. سپورتتىق جارىستار مەن مادەني ءىس-شارالار نەگىزىنەن بيىك تاۋلى «مەدەۋ» جانە «شىمبۇلاق» كۋرورتتارىندا وتەدى، دەپ حابارلايدى اlmaty-akshamy.kz.
«الماتى اشىق اۋادا دەمالۋدى قالايتىن اۋەسقويلار ءۇشىن تارتىمدى ورىن بولىپ سانالادى. الماتى شەتەلدىك كەلۋشىلەردى ورنالاستىرۋ ورىندارىنا تىركەۋ بويىنشا جەتەكشى قالالاردىڭ ۇشتىگىنە كىرەدى»، - دەدى الماتى قالاسى تۋريزم باسقارماسى باسشىسىنىڭ ورىنباسارى مارلەن مارالوۆ باسپا ءسوز كونفەرەنسياسىندا.
ۇيىمداستىرۋشىلارىنىڭ ايتۋىنشا، فەستيۆالدىڭ بارلىق كۇندەرىندە 6 مىڭنان استام ادام كەلەدى دەپ كۇتىلۋدە.
«قالا اكىمدىگىمەن بىرلەسىپ، ءبىز شىنىعۋ دايىندىعىنىڭ ءتۇرلى دەڭگەيىن ەسكەرە وتىرىپ، بەلسەندى دەمالىس اۋەسقويلارىنان كاسىبي سپورتشىلارعا دەيىن قاراستىراتىن ارنايى باعدارلاما ازىرلەدىك. نيەت بىلدىرۋشىلەردىڭ بارلىعىن وسىناۋ جارقىن قالالىق مەرەكەگە كەلۋگە شاقىرامىز»، - دەدى باسپا ءسوز كونفەرەسياسىندا «شىمبۇلاق» تاۋ كۋرورتىنىڭ ديرەكتورى رينات ابدراحمانوۆ.
قاتىسۋشىلاردى تىركەۋ 2022 جىلدىڭ 9 تامىز بەن 2 قىركۇيەك ارالىعىندا جالعاسادى. فەستيۆالگە www.mountfest.kz ارنايى سايتىندا تىركەلۋگە بولادى.