ماۋسىم ايىندا جاۋىن-شاشىن از بولادى.
«قازگيدرومەت» ماماندارى الداعى جاز قانداي بولاتىنىن بولجادى، دەپ حابارلايدى Almaty-akshamy.kz.
كەلەر جاز، اۋا رايىنىڭ تۇراقسىز سيپاتى بار كۇندەرمەن — نوسەر جاڭبىرلى، نايزاعايلى جانە جەلدى، سونداي-اق اشىق كۇندەرمەن سيپاتتالادى.
«جازعى كونسۋلتاتيۆتىك ماۋسىمدىق بولجامعا سايكەس، جازدىڭ العاشقى ەكى ايىندا رەسپۋبليكانىڭ باتىس جارتىسىندا اۋا تەمپەراتۋراسى نورمادان جوعارى، ال ەلدىڭ شىعىس جارتىسىندا — نورماعا جاقىن بولادى دەپ بولجانۋدا. تامىز ايى سالقىن بولادى دەپ كۇتىلۋدە — قازاقستاننىڭ كوپتەگەن وبلىستارىندا تەمپەراتۋرالىق فون كليماتتىق نورما شەگىندە بولماق، نورمادان جوعارى تەك قازاقستاننىڭ شەتكى سولتۇستىگىندە عانا بولادى دەپ بولجانادى»،- دەلىنگەن «قازگيدروپمەت» حابارلاماسىندا.
بولجام بويىشا، ماۋسىم ايىندا قازاقستاننىڭ باسىم بولىگىندە جاۋىن-شاشىن نورمادان از بولادى، رەسپۋبليكانىڭ سولتۇستىك-شىعىس جارتىسىندا، ەلدىڭ وڭتۇستىگى مەن وڭتۇستىك-شىعىسىنىڭ تاۋلى جانە تاۋ بوكتەرىندەگى اۋداندارىندا جاڭبىر جاۋۋى ىقتيمال. شىلدە مەن تامىز ايلارىندا بولسا كەرىسىنشە، ەلدىڭ كوپ بولىگىندە جاۋىن-شاشىن بولادى - كليماتتىق نورماعا جاقىن.