ەلىمىز بويىنشا 25 مىڭنان استام وقۋشى كولىككە مۇقتاج.
بالالار جىلى اياسىندا ەلدەگى اۋىل مەكتەپتەرىنىڭ اۆتوبۋس پاركى 515 اۆتوبۋسپەن جاڭارتىلادى، دەپ حابارلايدى Almaty-akshamy.kz ق ر ءبىلىم جانە عىلىم مينيسترلىگىنىڭ باسپا ءسوز قىزمەتىنە سىلتەمە جاساپ.
بعم مالىمەتىنشە، بۇل بالالاردى مەكتەپكە جانە ۇيلەرىنە ءقاۋىپسىز تاسىمالداۋدى قامتاماسىز ەتۋگە مۇمكىندىك بەرەدى. ءبىرىنشى كەزەكتە مەكتەبى جوق، شالعايداعى حالقى از اۋىلداردا تۇراتىن بالالار قامتىلادى.
«بيىل وڭىرلەردىڭ مەكتەپتەرىن بالالاردى تاسىمالدايتىن جاڭا كولىكتەرمەن قامتاماسىز ەتۋ ماسەلەسى رەسپۋبليكالىق دەڭگەيدە شەشىلىپ، جاڭا اۆتوبۋستار الۋعا قارجى ءبولىنىپ جاتىر. سونداي-اق ءبىلىم بەرۋ ۇيىمدارىن اۆتوبۋستارمەن ودان ءارى جابدىقتاۋ ءۇشىن جول كارتاسى ازىرلەندى. بۇگىنگى تاڭدا 25 مىڭنان استام وقۋشى كولىككە مۇقتاج. سونداي-اق مەكتەپ اۆتوبۋستارىنا جوعارى قاجەتتىلىك تۇركىستان، اقمولا، باتىس قازاقستان، الماتى، پاۆلودار جانە باسقا دا وبلىستاردا بايقالادى»، - دەدى بعم بالالاردىڭ قۇقىقتارىن قورعاۋ كوميتەتى ءتوراعاسىنىڭ ورىنباسارى دۋلات جەكەبايەۆ.
مينيسترلىك اقپاراتىنشا، قازىرگى تاڭدا بارلىعى 1 مىڭنان استام مەكتەپ اۆتوبۋسى قاتىنايدى. ەلىمىزدە قۇراستىرىلعان جاڭا اۆتوبۋستار قارجىلىق ليزينگ باعدارلاماسى بويىنشا جەڭىلدەتىلگەن شارتتارمەن ساتىپ الىنادى. بۇل تەتىك ەل مەكتەپتەرىنىڭ بارلىق اۆتوبۋس پاركىن كەزەڭ-كەزەڭىمە
ءبىلىم مينيسترلىگى بالالاردىڭ قاۋىپسىزدىگىن بارىنشا قامتاماسىز ەتۋ ءۇشىن كولىكتەرگە قويىلاتىن تەحنيكالىق تالاپتاردى ازىرلەگەن. بۇعان قوسا، كولىكتەر قاۋىپسىزدىك بەلدىگى بار بالالار ورىندىقتارىمەن، سالوندا بالالاردى قالدىرۋعا جول بەرمەيتىن جۇيەمەن، كابينانىڭ ارتقى جاعىنداعى اۆاريالىق ەسىكپەن جابدىقتالۋى كەرەك.
سونداي-اق وقۋشىلاردىڭ قاسىندا مەكتەپ ديرەكتورىنىڭ بۇيرىعىمەن بەكىتىلگەن ارنايى قىزمەتكەر بولۋعا ءتيىس.