بۇل ق ر ۇقك مالىمدەمەسى.
قۇقىق بۇزۋشىلاردىڭ اراسىندا الىس شەتەلدەن كەلگەن ميگرانتتار دا بار، دەپ حابارلايدى Almaty-akshamy.kz
«قازاقستان شەكاراشىلارى جىل باسىنان بەرى 30 823 قۇقىق بۇزۋشىنى ۇستادى. شەكارا قىزمەتى بيىل قاراشا ايىندا قۇزىرەتتى ورگاندارمەن بىرگە قازاقستان زاڭناماسىن بۇزعان 5 820 ادامدى ۇستادى»، دەلىنگەن ۇقك باسپا ءسوز قىزمەتى تاراتقان اقپاراتتا.
ونىڭ 28ء-ى شەتەلدىكتەر: 11ء-ى قىرعىزستاندىق، 9-ى وزبەكستان ازاماتى، 7 پاكىستاندىق جانە ءبىر ادام رەسەي ازاماتى.
"تاعى 19 شەتەلدىك قازاقستان شەكاراسىن بۇزۋ كەزىندە ۇستالدى. ولاردىڭ ىشىندە التى وزبەكستان ازاماتى، ءتورت اۋعان، ءتورت يەمەننەن كەلگەن زاڭسىز ميگرانت، ءۇش سيريالىق جانە ءبىر تاجىكستان مەن ءبىر سەررا-لەونە ازاماتى بار"، - دەپ حابارلادى باسپا ءسوز قىزمەتى.
سونىمەن قاتار ۇقك مالىمەتى بويىنشا قاراشا ايىندا شەكاراشىلار 858 رەت مەملەكەتتىك شەكارانى زاڭسىز كەسىپ ءوتۋ فاكتىسىنىڭ الدىن الدى.
"جالپى سالماعى 493 گرامم بولاتىن ەسىرتكىگە قاتىستى 51 فاكت، قارۋ-جاراق، وق-دارىلەر بويىنشا 17 فاكت، ءدىني ادەبيەت – 18 فاكت، قۇنى 26 ملن بولاتىن 360 جانار-جاعار ماي فاكتىسى انىقتالدى"، - دەيدى ۆەدومستۆوماماندارى.
858 ميلليون تەڭگەدەن اساتىن حالىق تۇتىناتىن تاۋارلاردى الىپ ءوتۋدىڭ 343 فاكتىسى انىقتالدى. ال ۆاليۋتاعا قاتىستى جالپى سوماسى 760 ميلليون تەڭگەدەن اساتىن 69 فاكتىنىڭ الدىن العان.
كاسپييدە شەكاراشىلار 26 مارتە براكونەرلەردى توقتاتتى.
"شەكاراشىلار 252 ميلليون تەڭگە زالالدىڭ الدىن الدى. ماتەريالدار قۇقىق قورعاۋ جانە سوت ورگاندارىنا بەرىلدى"، - دەپ تولىقتىردى باسپا ءسوز قىزمەتى.
ۆەدومستۆو قاراشا ايىندا مەملەكەتتىك شەكارادا قانداي دا ءبىر شەكتەۋ شارالارى ەنگىزىلمەگەنىن، بارلىق وتكىزۋ پۋنكتى شتاتتىق رەجيمدە جۇمىس ىستەپ تۇرعانىنىن ەرەكشە اتاپ ءوتتى.