مينيسترلىكتىڭ مالىمەتىنشە، ورتاشا بالدىڭ وسۋىنە وقۋعا تۇسۋشىلەردىڭ ۇبت تاپسىرۋعا 2 مۇمكىندىگىنىڭ بولۋى اسەر ەتكەن.
بۇل تۋرالى ايتقان ق ر ءبىلىم جانە عىلىم ۆيسە-مينيسترى قۋانىش ەرعالييەۆتىڭ اقپاراتى بويىنشا، بيىل ۇلتتىق ءبىرىڭعاي تەستىلەۋدەن 1900-دەن استام عانا تالاپكەر 120 بالدان جوعارى جيناي الدى، دەپ حابارلايدى Almaty-akshamy.kz
«ۇلتتىق ءبىرىڭعاي تەستىلەۋگە ناقتى 145 288 تالاپكەر قاتىستى. ونىڭ ىشىندە 75،5 پايىزى قازاق تىلىندە، 24،3 پايىزى ورىس تىلىندە جانە 350 ادام، ياعني 0،2 پايىزى اعىلشىن تىلىندە تاپسىردى. بيىل ۇبت-نىڭ ورتاشا بالى 69،08 بالل بولدى. وتكەن جىلمەن سالىستىرعاندا ورتاشا بالل 5 بالعا ارتتى. ال شەكتى بالدى 65 پايىزى جينادى جانە 39،4 پايىزى شەكتى بالدان وتە المادى»، - دەدى ۆيسە-مينيستر مينيسترلىكتىڭ اپپارات جينالىسىندا.
«وسىلايشا ولار ءوز ناتيجەلەرىن جاقسارتۋ ءۇشىن دايىندالۋعا مۇمكىندىك الدى. سونىمەن قاتار ەلەكتروندى فورماتتى ەنگىزۋ ارقىلى تالاپكەرلەردىڭ جاۋاپتارىن تۇزەتۋگە، تەست تاپسىرمالارىن شەشۋگە ۋاقىت جەتكىلىكتى بولدى. 1 923 ءتۇسۋشى 120 بالدان جوعارى الدى. ەڭ جوعارى بالل – 140 باللدى ءبىر تالاپكەرىمىز جينادى. ول - پاۆلودار قالاسىنان دانيار ۋالييەۆ دەگەن وقۋشى. بىلتىرعىمەن سالىستىرعاندا، ەڭ جوعارى بالل 139 بولدى. ونى دا ءبىر تالاپكەر جينادى»، - دەدى قۋانىش ەرعالييەۆ.