قالادا كوروناۆيرۋس جۇقتىرىپ، ەم قابىلداپ جاتقان ناۋقاستىڭ جالپى سانى 1 131-گە جەتىپتى.
وسى مالىمەتتى تاراتقان قالالىق قوعامدىق دەنساۋلىق ساقتاۋ باسقارماسىنىڭ اقپاراتىنا سۇيەنە وتىرىپ، ءبىر تاۋلىكتە قالادا 299 ادام كوروناۆيرۋس جۇقتىرعان، دەپ حابارلايدى Almaty-akshamy.kz
باسقارمانىڭ اقپاراتى بويىنشا، ءبىر تاۋلىكتە كوروناۆيرۋس جۇقتىرعان 299 ادامنىڭ ىشىندە سيمپتومدى، جەڭىل جانە ورتاشا دەڭگەيدەگى بەلگىلەرمەن – 259، سيمپتومسىز – 40 ناۋقاس تىركەلگەن. بارلىق ەمدەلىپ شىققاندار – 44، كەلىپ تۇسكەنى – 119. ينفەكسيالىق ستاسيونارلاردا 1 131 ادام بار (توسەك-ورىننىڭ جالپى سانى –3 700)، ونىڭ ىشىندە 80 بالا ەمدەلۋدە.
«سونداي-اق، رەانيماسيا جانە قارقىندى تەراپيا بولىمىندە 102 ادام جاتىر. ال 19 ناۋقاس جاساندى تىنىس الۋ اپپاراتىنا قوسىلعان. ءينۆازيۆتى ەمەس جاساندى تىنىس الۋ اپپاراتىندا 34 ادام ەم قابىلداۋدى جالعاستىرۋدا. High flow-دا 22 اپپارات جۇمىس ىستەيدى. مەديسينالىق-سانيتارلىق العاشقى كومەك ءموبيلدى بريگادالارىنىڭ جانە تەلەمەديسينا ورتالىعىنىڭ امبۋلاتوريالىق باقىلاۋىندا 2306 پاسيەنت بار. ونىڭ ىشىندە ۆيرۋس بەلگىلەرى بار، ورتاشا اۋىر جاعدايدا 2015 ناۋقاس، 291 ادامدا كوروناۆيرۋس بەلگىلەرى جوق»، -دەپ ءمالىم ەتتى باسقارمانىڭ باسپا ءسوز قىزمەتى.