2022 جىلعى 1 قىركۇيەكتەن باستاپ مەملەكەت باسشىسىنىڭ تاپسىرماسى بويىنشا قازاقستاندىق جوعارى وقۋ ورىندارى ستۋدەنتتەرىنىڭ شاكىرتاقىسى 20%-عا، ماگيسترانتتار مەن دوكتورانتتاردىڭ شاكىرتاقىسى 15%-عا وسەدى، دەپ حابارلايدى اlmaty-akshamy.kz ءبىلىم جانە عىلىم مينيسترلىگىنىڭ باسپا ءسوز قىزمەتىنە سىلتەمە جاساپ.
2021 جىلدىڭ قىركۇيەك ايىندا باكالاۆرلار شاكىرتاقىسىنىڭ مولشەرى 20%-عا، ماگيسترانتتار مەن دوكتورانتتار شاكىرتاقىسىنىڭ مولشەرى 15%-عا ارتقان بولاتىن. وسىلايشا، 2021 جىلدىڭ قىركۇيەگىنەن باستاپ ستۋدەنتتەردىڭ شاكىرتاقىسى 31 423 تەڭگەنى، ماگيسترانتتاردىكى – 76 950 تەڭگەنى، دوكتورانتتاردىكى – 172 500 تەڭگەنى قۇرادى.
وسى جىلدىڭ قىركۇيەك ايىنان باستاپ ستۋدەنتتەردىڭ شاكىرتاقىسى تاعى دا 20%-عا وسەدى. مىسالى، پەداگوگيكا ماماندارىن دايارلاۋ باعىتى بويىنشا وقيتىن ستۋدەنتتەر 58 مىڭ تەڭگەدەن استام، باسقا باعىتتار بويىنشا ءبىلىم الاتىندار 37 مىڭ تەڭگەگە جۋىق شاكىرتاقى الا باستايدى. ماگيسترانتتاردىڭ شاكىرتاقىسى 86 987 تەڭگەگە دەيىن، دوكتورانتتاردىڭ شاكىرتاقىسى 195 000 تەڭگەگە دەيىن وسەدى،– دەدى بعم جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى ادىلەت تويبايەۆ.