بيىل سۋارۋ كەزەڭىندە قىرعىزستان قازاقستانعا شۋ جانە تالاس وزەندەرى ارقىلى 534،3 ملن تەكشە مەتر سۋ جىبەردى.
اتاپ ايتقاندا، تالاس وزەنى ارقىلى 394،3 ملن تەكشە مەتر سۋ كەلدى، بۇل جوسپارلانعان كولەمنەن 14،3 ملن تەكشە مەترگە ارتىق، دەپ حابارلايدى aqshamnews.kz.
«سۋ ديپلوماتياسى - مينيسترلىكتىڭ باسىم باعىتتارىنىڭ ءبىرى. ءبىز بارلىق كورشىلەرىمىزبەن بەلسەندى جۇمىس جاساپ جاتىرمىز. قىرعىزستانمەن بيىل شۋ-تالاس سۋ شارۋاشىلىعى كوميسسياسىنىڭ ەكى وتىرىسى ءوتتى. سۋارۋ ماۋسىمىندا ءبىزدىڭ تاراپ شۋ وزەنى ارقىلى 180 ملن جانە تالاس وزەنىمەن 380 ملن تەكشە مەتر سۋ الادى دەپ كەلىستىك. بۇگىنگى تاڭدا ءۇزىلىسسىز سۋ كەلىپ جاتىر، ال تالاس وزەنى ارقىلى كەلىسىلگەن كەستەدەن ارتىق سۋ كەلدى»،– دەدى سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ.
شۋ وزەنى ارقىلى بۇگىندە 140 ملن تەكشە مەتر سۋ الدىق جانە قازاقستان مەن قىرعىزستاننىڭ سۋ ۆەدومستۆولارى بەكىتكەن كەستەگە سايكەس كەلىپ جاتىر.
ەستەرىڭىزگە سالا كەتەيىك، 1 ساۋىردەن بەرى وزبەكستان سىرداريا وزەنى ارقىلى ەلىمىزگە 4 ملرد تەكشە مەتردەن استام سۋ جىبەرگەن بولاتىن. ال تاجىكستان 1 ماۋسىمنان باستاپ قازاقستانعا مەملەكەتارالىق «دوستىق» كانالى ارقىلى 488،6 ملن تەكشە مەتر سۋ جىبەردى. بۇل وتكەن جىلمەن سالىستىرعاندا 40 ملن-عا، ال بيىل جوسپارلانعان كولەمنەن 45 ملن تەكشە مەترگە ارتىق.