“جاس سارباز” جاس پوليسيا جاساقشىلارى جاڭا وقۋ جىلىنا دايىندىق ۇستىندە، دەپ حابارلايدى aqshamnews.kz Polisia.kz-كە سىلتەمە جاساپ.
ماقسات – وقۋشىلار، اسىرەسە مەكتەپكە العاش كەلەتىن ءبىرىنشى سىنىپ وقۋشىلارى اراسىندا قۇقىقتىق ءتۇسىندىرۋ جۇمىستارىن جانداندىرۋ. بالالاردىڭ قۇقىقتىق ساناسىن ارتتىرۋ، جول قوزعالىسى ەرەجەلەرىن ساقتاي وتىرىپ، جولدا ءوزىن-وزى ساقتاۋ سەزىمىن وياتۋ قاجەت.
– وسى كۇندەرى الماتىدا “نازار اۋدارىڭىز! بالالار!” رەسپۋبليكالىق جەدەل الدىن الۋ ءىس-شاراسى وتۋدە، ونىڭ ماقساتى – بالالاردىڭ جاراقاتتانۋىنىڭ الدىن الۋ، جول-كولىك وقيعالارىنىڭ ءوسۋىن ازايتۋ. ءبىز جاس جول ينسپەكتورلارىنا ۇلكەن جانە ماڭىزدى ميسسيانى تاپسىرامىز، ولار بارلىق جەردە بالالارعا تۇسىنىكتى تۇردە جول قوزعالىسى ەرەجەلەرىن تۇسىندىرەدى. سونىمەن قاتار بالالارعا سۋرەتتەلگەن بۋكلەتتەر مەن جادىنامالار تاراتىلادى. بالالار – ءبىزدىڭ بولاشاعىمىز، سوندىقتان ولاردىڭ ءومىرى مەن دەنساۋلىعىنا ەشتەڭەنىڭ ءقاۋىپ توندىرمەۋى وتە ماڭىزدى، – دەدى الماتى قالالىق پد اكىمشىلىك پوليسيا باسقارماسىنىڭ باستىعى اسحات قۇلبايەۆ.
الماتى قالاسى الاتاۋ اۋدانىنداعى 152ء-شى ورتا مەكتەپتىڭ “جاس سارباز” كومانداسىمەن پوليسەيلەر كەزەكتى نۇسقاۋلىق وتكىزدى. قاتىسۋشىلاردىڭ كوپ جىلدىق تاجىريبەسى بەرىلگەن تاپسىرمالاردى كاسىبي دەڭگەيدە ورىنداۋعا مۇمكىندىك بەرەدى.
– ادەتتە، ءبىلىم كۇنى قارساڭىندا ءبىز مۇعالىمدەرمەن كەزدەسۋلەر وتكىزەمىز، ونىڭ بارىسىندا ءبىلىم بەرۋ ۇدەرىسىندە مەكتەپ وقۋشىلارىنىڭ قاۋىپسىزدىگىن قامتاماسىز ەتۋ ماسەلەلەرى شەشىلەدى. ءبىز جول قوزعالىسى ەرەجەلەرىن وقىتۋ بويىنشا پراكتيكالىق ساباقتارعا سىنىپتاردىڭ دايىندىعىن تەكسەرۋدى، بارلىق قاجەتتى ۇگىت-ناسيحاتتىق جانە وقۋ-ادىستەمەلىك قۇرالداردى ساتىپ الۋدى جانە جاڭا وقۋ جىلىنا جول قوزعالىسى ەرەجەلەرى بويىنشا ساباق جوسپارىن قۇرۋدى سۇرايمىز. مۇنداي تىعىز جانە جاقسى ۇيلەستىرىلگەن ءوزارا ءىس-قيمىل، ءبىزدىڭ ويىمىزشا، بالالاردىڭ جول-كولىك جاراقاتتارى مەن جازاتايىم وقيعالارىن ازايتۋعا جانە قالاداعى كولىك قوزعالىسىن تۇراقتاندىرۋعا وتە ءتيىمدى اسەر ەتەدى، – دەدى قۇلبايەۆ.