ءار قازاقستاندىق 70 كەلى قاربىز جەيدى
بيىل قازاقستاننىڭ قاربىز وسىرۋدەن الەمدىك رەيتينگىسى جاقسارۋى مۇمكىن. جالپى ەلىمىز بۇگىندە 11ء-شى ورىندا تۇر. بىلتىر ەل ديقاندارى 1،5 ملن تونناعا جۋىق قاربىز جيناعان، دەپ حابارلايدى aqshamnews.kz 24.kz-كە سىلتەمە جاساپ.
ال بيىل بۇل كورسەتكىش ەداۋىر ارتۋى مۇمكىن. سەبەبى وڭتۇستىكتەگى ديقاندار ەكىنشى مارتە ءونىم جيناۋعا كىرىسكەلى وتىر. سونىمەن قاتار ەلدە قانت ءوندىرىسى دە ۇلعايدى. ناتيجەسىندە وتكەن اپتادا قانت باعاسى ارزاندادى. ءيا، ەلىمىز قاربىز ءوسىرۋ كولەمى بويىنشا 2021 جىلى الەمدەگى ۇزدىك وندىققا كىرگەن. تاعى ءبىر قىزىق دەرەك، ءار قازاقستاندىق ءبىر جىلدا 70 كەلىدەن استام قاربىز جەيدى ەكەن.
ءار قازاقستاندىق جىلىنا 70 كەلىدەن استام قاربىز جەيدى. ۇلتتىق ستاتيستيكا بيۋروسىنىڭ مالىمەتىنە سۇيەنسەك، بىلتىر ەلدە شارۋالار 1 ملن 4 مىڭ توننا قاربىز جيناعان. بۇل – 2022 جىلمەن سالىستىرعاندا 7% ارتىق كورسەتكىش. الايدا ءونىمنىڭ تەك 7،5 مىڭ تونناسىنان استامى ەكسپورتقا شىعارىلعان. دەمەك قالعان قاربىز ەل تۇرعىندارىنىڭ داستارقانىنان ورىن تاپقانى انىق. جالپى قاربىز ءوسىرۋ بويىنشا قازاقستان الەمدە الدىڭعى قاتاردان ويىپ تۇرىپ ورىن الادى. ەكى جىل بۇرىن بىرىككەن ۇلتتار ۇيىمىنىڭ ازىق-تۇلىك جانە اۋىل شارۋاشىلىعى ۇيىمىنىڭ رەيتينگىندە ءبىزدىڭ ەل 11ء-شى ورىنعا تۇراقتاعان. مۇندا جۇڭگو، تۇركيا مەن ءۇندىستان كوش باستاپ تۇر. ال ىرگەدەگى كورشىلەرىمىز رەسەي مەن وزبەكستان 7ء-شى جانە 10-شى ساتىلاردى ەنشىلەگەن. بيىل قازاقستاننىڭ رەيتينگىدەگى ورنى كوتەرىلۋى مۇمكىن. سەبەبى قاربىز ەككەن ديقاندار جاقىن كۇندەرى ەكىنشى مارتە ءونىم جيناۋدى جوسپارلاپ وتىر.